由細到大，我個唇成日都好乾，一年四季成日都有好多一舊舊嘅死皮，試過好多唔同牌子嘅潤唇膏，但佢地嘅效果對我嚟講都係大同小異，keep到幾個鐘之後死皮又再出現!而且開始嚟M之後，可能因為血氣運行得唔好，個唇成日都冇乜色，所以我一直都有用有色嘅潤唇膏，希望可以喺冇化妝嘅日子，個唇都可以有返啲血色，望落個人精神啲。 直至之前朋友去完日本旅行，介紹我買 opera水潤誘感潤唇膏 Opera 嘅水漾透麗唇彩，之後我呢個乾唇女就慢慢有救啦~~ Opera水漾透麗唇彩一共有10隻色，我買嘅係101 Red，而且佢嘅價錢一啲都唔貴，只係$78，CP值相當之高，佢搽上嘴非常顯色，而且唔會有黏笠笠嘅感覺，同埋佢真係好水潤好long lasting，一搽上嘴啲乾紋就即刻冇晒，依家我每日都會keep住用佢，就算食完嘢，佢都唔會好甩色，基本上都可以keep到大半日。 最神奇嘅係，我試過好多次喺搽唇膏之前先薄薄搽一層當打底，再喺上完唇膏之後加多薄薄一層，我發現個嘴啲死皮係真係少咗好多，而且隻色仲keep到成日! 以上純屬個人分享，效果會因人而異。 Instagram: miki.dreamland Facebook: miki’s dreamland
