做好妝前保濕，可以令妝容更持久，但唔少絲打喺忙碌嘅早晨都唔夠時間敷mask，一年前開始，我就keep住回購Saborino 早安面膜，我用過牛酒果、清爽西柚同埋Loft限定款柚子柑橘味，我覺得三隻都好保濕，而清爽西柚味就會多一陣冰凍嘅感覺。 佢嘅用法好簡單，只要敷60秒就可以完成洗臉、護膚同妝前保濕，如果皮膚狀態比較乾，可以喺使用前用一啲比較滋潤嘅爽膚水，敷完60秒後，面膜仲會剩下好多精華，我多數會將精華液擦喺面上同頸，再輕輕按摩，咁樣就可以令皮膚快速充飽水嘅喇! 我有聽過有絲打試過喺開封面膜後因為隔得太耐冇用，所以用到最後一塊時面膜幾乎乾掉，我自己其實都係需要化妝時先會用佢，唔係每日使用，但都未試過出現呢個情況，不過大家拎完一塊面膜之後就記得一定要立即合實個蓋，防止未使用嘅面膜接觸到空氣呀! 以上純屬個人分享，效果會因人而異。 Saborino 早安面膜 Loft限定款柚子柑橘味 28枚 Instagram: miki.dreamland Facebook: miki’s dreamland
