好開心今次有機會試用澳洲品牌Fat Blaster Coconut Detox 菲拉思德椰子水(HK$208/750ml), 呢個產品好配合斷食排毒減肥法, 即係每週有連續2天係食D流質既食物以減去身體內既毒素. 根據官方資料, 呢隻椰子水係澳洲銷量冠軍及No.1瘦身品牌, 只須要跟隨Fat Blaster Coconut Detox 2 day plan 既指示就可以去除身體內既毒素, 從而達至瘦身效果. 先睇包裝,一個普通的白色樽, 配以綠色既樽蓋點綴. 樽外已列明一切成份, 使用方法及有效日期. 不過說明同成份都係英文, 所以想知清潔D, 唯有睇番中文單張. 初時以為椰子水係好似椰皇水咁稀同淡甜味的, 原來呢隻椰子水係杰杰地及酸酸甜甜有D似乳酸味的, 都幾好飲. 而建議飲用方法為分2天既早午晚3餐, 共6餐飲晒佢, 飲用6餐後可回復正常進食. 而每餐只須將125ml椰子水再加125ml既水(但水不要高於40度), 再於2-3小時內分開喝完, 再另外飲8-10杯水. 如是者, 1樽750ml的椰子水就可於2日裡分6餐飲晒喇. 而我覺得用凍水沖會好飲好多. 飲一啖稀釋左的椰子水再飲幾啖開水, 於2-3小時內完成一杯都可以頂到下既. 而說明書都有講, 如果真係太飢餓時, 都可以食一D蔬果頂肚. 用後感: 斷食排毒呢個概念其實好好, 因為成日食埋咁多快餐同肉類, 身體內真係積左好多毒素, 清一清佢真係一件好事, 對自己身體好D, 亦可以乘機減磅, 一舉兩得. 況且都係2天啫, 所以都覺得一試無妨. 可是, 我真係太高估自己了, 原來斷食對我來說實在太辛苦了!!! 在飲完第1天的第一杯椰子水後, 近午飯時, 個肚已經咕嚕咕嚕咁叫, 體力亦開始下降, 無咩力氣同因為冇熱量身體有D凍, 在冷氣的辦公室內要穿起冷衫 (但平時是不用穿的). 因為肚餓關係, 食左一個蘋果頂肚, 吃後果然精神D, 多番D力氣. 隔多一小時就再飲第二餐椰子水, 近放工時又再有肚餓無力的感覺了. 日間要工作還好, 可以分散肚餓既感覺, 但想到晚上回到家後不用吃飯, 只須飲椰子水, 又沒力氣去做運動配合, 只可坐在梳化看電視等睡覺時, 便覺得很辛苦及擔心晚上會有餓到睡不著的情況出現, 然後第二天又要重複3餐椰子水斷食時, 便覺得很辛苦, 很漫長了, 此時亦開始有打消飲第3餐椰子水的念頭. 我可能平時真係吃得太多了, 所以突然吃太少便不習慣, 而且意志又不堅定, 所以便失守同停止椰子水斷食了. 雖然我未能完成試用連續2天飲用椰子水去排除毒素及減磅, 但飲左2餐後我都覺得有去水腫既成效, 如果有咩約會或急須瘦身, 椰子水係唔錯既選擇, 當然要視乎身體狀況而進行啦, 千祈唔好死頂呀!!! 所以今後我會係大魚大肉後, 用椰子水作代餐去令腸胃休息下同balance下去減輕毒素!!! 好多謝 Lady Qooza 及 Fat Blaster今次俾我試用既機會, thanksssssssssssssssss! 產品由Lady Qooza提供.
