繼上一次好有驚喜既頭肩頸按摩服務後, 詳情可按此:- http://www.beautylife.hk/home.php?mod=space&uid=3883&do=blog&id=118340 好開心今次又再有機會到銅鑼灣壹休館 Quarter Break Massage體驗佢地最近新加設既全身按摩. 聽接待的少女講, 佢話呢個係失明按摩師釗師傅既提議, 因為客人係按摩床按有更理想既按摩效果, 所以佢地都聽從建議, 將之前劃為VIP 既room 改放3張按摩床提供全身按摩既服務. 先睇下佢地按摩房既相片, 因為冇用閃光燈, 所以效果就較為暗D, 但幽暗的燈光可令客人好好休息, 鬆弛身體. 一共有3張床, 每張均有厚拉簾遮隔, 及每床有一個儲物箱, 當你的物件放入箱後, 按摩師會將成個箱放有按摩床下面, 確保冇人會攞到. 服務類型及收費如下, 貴唔貴真係見人見智, 但我最欣賞係除左質素真係唔錯外, 係佢地營業至晚上12時, 咁有時行得街食完飯又或者加完班周身散晒, 都仲可以去鬆一鬆呀!! 用後感: 今次試做既係45分鐘推油按摩, 當然係由一位女按摩師幚我按摩啦!!! 女按摩師(唔記得佢個名)又係一個沉默工作的嬸嬸, 佢既手勢俾我知道佢係受過訓導及有經驗的按摩師, 唔係hea做或混水摸魚個d, 讚! 最buy既係呢位女按摩師係全程沉默工作, 不推銷, 不閒談地盡力為你鬆弛, 而我勞損的肩頸腰亦因此得到舒緩, 當晚亦睡得特別好呢! 好多謝壹休館Quarter Break Massage今次俾我體驗既機會. 是次按摩體驗由壹休館Quarter Break Massage免費提供
