好開心今次有機會到銅鑼灣壹休館 Quarter Break Massage體驗佢地既頭肩頸及足底按摩. 本人都係一個按摩控(痴), 由早期既深圳揼骨(但又痛又貴又山長水遠), 到近年鍾意買團購飛周圍按(貪佢平同方便放工放假去, 但質數真係好參差同好hard sell, 同每次都要耍一大輪太極至走得), 重有唔少得既泰國按摩都試過. 亦因為咁, 本人已訓練到個師傅一按便知龍與鳳, 掂唔掂. 而今次見有得體驗就當然唔會放過機會去試下啦! 先睇下地點先 - 銅鑼灣駱克道501號1/F (SOGO後街門口隔離), 係旺區, 都幾方便的. 再睇下店面, 細細的reception counter, 側邊是水機同走廊去洗手間及一間VIP room. 裝修簡單, 不是一般著重裝修的美容院/按摩店. 而它亦的確只提供頭肩頸及足底按摩的按摩店. 接待員是一位年青及笑容滿面的少女, 後來至知此間按摩店是她與其男友(我猜)一起開的, 可能資金所限, 沒有一般華麗堂煌的裝修, 換來是簡潔舒服的設計. 打開百葉門就是按摩區了, 暗暗的燈光配以彩藍及白色的牆身, 有點似希臘的白色小屋feel. 按摩區有4張按摩椅, 區間比reception counter 闊落得多, 少女老闆娘說是想讓更多空間給客人享受無焗促的用意, 如果想三五知己傾下密計或分八卦野, 佢地都有一個VIP room的, 想得真周到. 而按摩區有大大的玻璃窗, 感覺開揚, 播放著舒緩的僤音樂. 所以即使沒有華麗的設計, 只需巧妙的心思, 亦可給人舒適悠閒的感覺, 而且我覺得這隻彩藍色給人很年青很有活力的感覺呢! 坐下後, 先來一盤熱水浸腳, 然後就有一位叫釗師傅的中年叔叔幚我按肩頸膊頭手臂及雙手, 因為時間關係, 頭沒時間按了. 而另一位叫興師傅的中年叔叔則負責為我腳底及足部按摩. 看圖! 這就是四手按摩了, 哈哈!!! 用後感: 起初都有d驚訝點解會係兩個叔叔長輩幚我按摩, 因為過往多見是姨姨做此類按摩的, 而我鄰座的女子亦是姨姨幚她按腳的, 所以有點不知怎的. 但按過後, 發現呢兩位師傅原來係好專業好認真咁按摩的, 而且他們是很規矩很有禮貌的呢, 非常謝謝兩位長輩的辛勞. 按肩頸的釗師傅是一位失明人士, 有相當多年的按摩工作經驗, 在其按摩的過程中, 當按到我某部位或關節有異樣時, 釗師傅都會問是否那個地方有問題. 他不是撞彩地問, 而是確實地講得出那個部位的問題及成因呢! 例如我們時常上網因而形成的滑鼠手及頸酸痛, 形成一個慢性勞損, 釗師傅很好人的教我閒時可做那些伸展動作去舒緩, 當然他亦很用心的在有關部位加以按摩啦 ! 而另一位興師傅亦是一位很默默地不作聲用心按摩的長輩, 他腳底按摩的力度不會像獎門人那些有令人大聲尖叫的痛楚, 而是令人按完有種舒緩感的腳底按摩, 而小腿則會在有關的穴位按壓及推淋巴, 所以做完按摩後成個人即時行得輕快很多呢! 而根據我多年的按摩經驗, 呢兩位師傅係有料到的, 唔係渣留灘混飯吃的那種, 所以當期時已很滿意, 心裡已暗給壹休館5粒星星了. 在完成頭肩頸及足底按摩後, 跟少女老闆娘閒談一輪才知原來壹休館才開了一個月, 可能是少女的關係, 明白有麝自然香既道理同網上bloggers分享文的傳播能力, 所以攪了這次既體驗推廣佢地既按摩店. 當然她亦係咁意問下有冇興趣開個course, 但她不斷說唔開course是冇問題的, 仲給了我一張$10現金劵和二人同行的九折劵及其服務收費表單張. 本來已可以拍拍欏柚走的我一看之下, 才知剛才的1 part 15分鐘的頭肩頸按摩只收$68! 足部按摩30分鐘則為$68 x 2 parts, 即$136. 仲要不收小費 (朋友話大陸而家最少要$50小費呀!), 無需預約 (即係失驚無神都可以上去按, 當然有排隊既機會, 但無冇預約唔可以按既藉口呀!) , 都幾有賣點喎. 咦! 即係如果我只幚襯最低消費既15分鐘頭肩頸按摩都只收$68就走得, 加埋2 parts足部按摩全部都係$198 (不過係每天的5時前, 5時後就要收$280了), 就可以享受有5粒星星高質素有治療性的按摩!? 心內盤算住不論15分鐘定90分鐘都OK 抵喎, 所以我也很樂意的即時開了一個10次有8折的course了, 仲有限時優惠送我一張UA戲飛coupon 呢, 讚! 有興趣的可上 " 壹休館 Quarter Break Massage" facebook睇下佢地既資訊 我的評分如下: 地點: 5 ★★★★ (冇野好講, 太方便血併到倦或放工放假去喇) 裝修: 4★★★★ (年青人清澀口味) 價格: 4★★★★ (一個午餐/晚餐, 或者一杯cocktail既價錢) 服務: 5 ★★★★ (少女老闆娘笑容親切又唔hard sell或唔識 sell J) 按摩手勢: 5 ★★★★+ (要加多個+, 因為5 ★★★★都唔止呀!) 好多謝壹休館Quarter Break Massage同 Qooza今次俾我體驗既機會. 希望兩位年輕的老闆們可以繼續提供既高質素又相宜的按摩給有需要及喜愛按摩的我及絲打巴打們! 是次按摩體驗由壹休館Quarter Break Massage免費提供
