好開心今次有機會試用韓國品牌Mask House 既Aqua Pump 補水王精華 Instant Hydration System (HK$279 /100ml) 之前都有試過Mask House既面膜同美白精華, 效果都好好, 仲要價錢實惠嘛. 而今次試佢既補水王, 又係咪咁好用呢?? 因為佢個名叫補水王精華, 3秒補水革命. 老實講, 個名同slogan都有D誇張, 唔係咁勁咪好囉?? 佢仲sell有幾款用法, 又可以當保濕精華, 或者係妝前底霜又或者係睡眠面膜Sleeping Mask, 係咪咁萬能呀?? 先睇包裝, 冇咩特別, 藍色同大大隻字 “3秒補水革命” 盒身印有使用方法, 韓國製造 及介紹因為超強補濕因子Ceramide 3快速滲透肌膚作補水功用. 盒底印有有效日期 由於係開蓋式設計, 所以我每次都用小匙去畢小小用, 衛生D . 白色好水既gel, 搽上面好水潤, 唔似一般既精華, 亦唔見佢簡介話有粒粒水珠. 使用前 使用7日後 用後感: 初初見到呢件product既時候, 都疑惑左一輪 - 精華/底霜/睡眠面膜??? 研究一輪後至知佢係多用途精華, 又可作底霜/睡眠面膜, 而我就以精華為基礎去試用. 試上面, 好水, 好似lotion gel咁, 好似適合夏天多D喎. 有D驚夠唔夠而家呢個乾燥既秋天用呢? 補水啫, 夠唔夠潤先,會唔會用到脫皮架?? 但為左試用效果, 都要搏一搏! 使用程序如往常 –Aqua Pump 補水王精華, 跟住面霜, 日間再加上防曬. 試過一晚作為睡眠面膜, 但冇試過做底霜. 如是者7日後 - 皮膚冇脫皮, 崩緊, 冇暗粒不突止, 保濕效果好好仲好滑滑添, 上粉亦都好貼, 真係好意外!! 因為見佢個質地真係好驚佢唔夠潤架, 但經過我呢隻白老鼠係乾燥既秋天試用過後, 係無額外加油加其他精華既情況下, 用後皮膚又夠水又夠潤呢!!! 真好, 又一平靚正product!!! 好多謝Mask House同 Beautylife.hk今次俾我試用既機會, thanksssssssssssssssss! 產品由Mask House提供
