2010年12月29日下午6:33公開累積瀏覽 319 18

十多年來未到過大陸旅行，今次連同全家大小十多人一齊去探親順帶旅遊，我真是「大鄉里出城」，原來可以租車由香港直接去到大陸目的地(東莞)，一程只是HK$1,200(7人)，免卻在羅湖排像過關，從「皇崗通道」香港過關連落車也不用，只是坐在車上舒舒服服，大陸那邊就要像以前一樣行過去就是，我都是首次用回鄉咭(剛剛申請，十分昂貴HK$390)過關，5分鐘也不到，暢通順利快捷，想不到聖誕節旺季都無想像中多人，聽聞落馬洲一地兩檢更方便！

途經大陸福田，嘩！樓宇密度真嚇人，全是密質質的屏風樓，較香港嚴重得多，高速公路走了半小時，已經有四個公路收費站，共收了近百元人民幣，路費真不輕，難怪「溫總」都話要減少，不過由香港來到親友家(東莞‧常平)，全程都只是花了一小時，方便就要付出，以前真是無可能(大鄉里)。

首先見到又是樓盤，與香港各大樓盤名稱一模一樣「天X、XX峰」等等多的是，真不明白！這處是兩三線鄉鎮，樓宇居然與香港一樣，都是幾十層高的屏風樓，大陸地大物博，密度理應可降低呀。

來到鎮中心就有我日日都到訪「星巴克」，一定有一間在左近的7-11，同小朋友最喜愛的麥叔叔，與香港裝璜同出一徹只是換上簡體字，走到店真的看不出是國內店，除了店員是操普通話或不流利的廣州話外，原全一模一樣。

更奇怪當地麥叔叔都是24小時營運，還有「麥麥送」單車版，送遞員穿上全套頭罩護膝單車裝朿的麥麥送制服，外形好醒目在店內靜待訂單，這些進口連鎖店銀碼與香港相同，當然價錢不同「人仔高企」，相對貴了17%。

親戚熟知國情，告之一般工人收入只有約二千多元，這些店全是少數內地高薪的人消費，包括港人在內，所以近十年無再聽聞有人偷渡來港謀生，實情是我們回去謀生，世界輪流轉！

經濟好就有以下問題，交通擠塞出現，車輛在街上四處亂走，我真的不懂過路，他說這處以是並不嚴重，一線的大城市簡直舉步維艱，我也知這些國內情況。

但他說我有所不知是聖誕節前一個星期六，香港著名品牌「X福珠寶店」在當地有兩間店同時開張，請來香港當紅藝人林峰前來剪彩，由於太多人聞風而至看熱鬧，公安要封閉市中心多條主要街道，令這小市鎮交通大亂，可見他在內地受歡迎程度不是假的，真嚇人！！

來到當然拜訪親戚的家，又見識國內樓宇買賣的情況，原來這處是最近年才有人再買樓花，之前的爛尾樓聞者色變，現在可以選擇連豪華裝修一併購入，只是多2~3萬人仔，所以無人買無裝修的「清水樓」，近年內地樓價炒高以是事實，但在二線鄉鎮的樓價是￥6,000/㎡，一線的城市如廣州、中山就要￥8~10,000/㎡真的厲害。

這處並無所為建築面積計算，全是以室內面積作實，這就比香港文明，全世界只有香港才有這些騙人的技倆，而地大的祖國一般單位是120㎡，最少也有80㎡，親戚的就是120㎡，難怪他的內地太太，不願來香港入住那豆腐干800呎「建築面積」的居所，他笑我這「大鄉里」像考察民情多過來旅遊呢。

待續........

路霸

Helena
2011年1月4日下午1:04

我都十幾廿年冇北上旅行了。不過都會知道大陸經濟特區根本跟住小小的香港，香港的豪宅叫咩名，上面又有；香港的商店，上面亦有。因為實在太多香港人來來往往，將文化和生意都帶埋上去了。但如果教育文化都能夠感化，大陸的文明程度應該會好Ｄ。

回覆

- - 路霸
  - 2011年1月4日下午8:05
  Helena ：
  我都喺成十多年無去過，今次咁啱啫！我都喺睇下新聞知少少大陸啲嘢！今次實地考察，幾得意新鮮，大陸人有自己圈子，外人好難真正能打入到去架，香港人上到去若要融入當地文化，反而被同化！！
  Diy
- 小恩子
- 2011年1月4日上午10:47
乘車回鄉真的好方便，我已經有好多年無回鄉了，福田原來咁富庶，我還沒有去過呢！國內的裝修好靚，物價指數又高，可惜係人工何奇咁低，長遠來說d本地人點置業呀？

回覆
- - 路霸
  - 2011年1月4日下午7:57
  小恩子：
  真喺好方便呀！喺貴少少唔使啲長輩上上落落咁辛苦，我都喺經過福田咋，都唔知乜樣，國內啲嘢遠睇幾好，細望唔掂架！
  啲屋喺啲富戶買呀，一般人買唔起架，再咁落去又一定動蕩，十年後就唔知喇！
  Diy
- Miss遮
- 2011年1月3日下午4:03
路霸兄是否也打算回歸祖國懷抱，北上置業投資呢？

回覆
- - 路霸
  - 2011年1月4日上午1:05
  Miss 遮：
  邊有咁富貴！上去探親，順便同屋企人聚下！上去見識下啫！
  Diy
- Tony
- 2011年1月2日下午5:00
我今日都有同屋企人返上去行下，大陸依家都好富庶，生活指數同香港其實差唔多，香港人上去消費無以前咁著數，返而大陸同胞落黎洗錢既仲多．

回覆
- - 路霸
  - 2011年1月4日上午1:09
  Tony：
  大陸啲嘢仲貴過香港，上去消費太唔化算，不過我都好少去，但啲同胞真喺辛苦！
  Diy
- meiji2pp
- 2011年1月2日下午1:15
Hello
福田區城市規劃完善 , 環境不錯的. 我乘坐鐵路到落馬洲過關 , 就是福田區 , 再乘深圳地下鐵到少年宮站 , 我去過書城幾次, 空氣方面 , 香港以及珠江三角洲一帯, 暫時未有轉好, 我們只好期待改善吧....

回覆
- - 路霸
  - 2011年1月4日上午1:02
  meiji2pp ：
  我無到福田唔知個度喺點，妳應該清楚過我！又識深圳坐地鐵四圍去，書城好出名大，下次要去見識下！我有留意MTR個段喺深圳龍華線！
  Diy
- 路過的
- 2011年1月1日上午2:23
回鄉證比以前貴了好多................(吐舌)
我最受不了是空氣差,在廣州住的時候我幾乎呼吸困難,每次回酒店的鼻孔都好髒黑,面也是
海潚後亞洲受的影響較小,包括中國,主因是亞洲地區投資較保守,當地政府..

回覆
- - 路霸
  - 2011年1月2日上午12:50
  Carlulu :
  我地咁少用咪唔抵囉！喺呀大陸只喺得個殼，裡面好多嘢都的唔掂，好多時都喺大陸啲廠搞成咁！個幾日個天明明好好太陽，但個天都喺灰蒙蒙，話香港空氣差，大陸仲差！好希望佢地遲啲改善下！！
  Diy
- miss SUNSHINE
- 2011年1月1日上午12:32
國內樓房發展好快...
D樓真係拍得住D香港樓
到到都係豪宅

回覆
- - 路霸
  - 2011年1月2日上午12:42
  miss SUNSHINE :
  好多都喺俾啲暴富炒貴哂！所以啲大陸樓越嚟越貴，連啲裝修都浮誇到爆！！
  Diy
- hahaha
- 2010年12月31日下午11:32
(Empty)

回覆
- - 路霸
  - 2011年1月2日上午12:37
  冬雪兒 :
  多謝妳！新年美好順利！
  Diy
- 小妹
- 2010年12月31日下午10:06
(Empty)

回覆
- - 路霸
  - 2011年1月2日上午12:38
  小妹 :
  多謝妳！新年美好順利！
  Diy
- Longbell
- 2010年12月31日下午9:40
HAPPY NEW YEAR!! 今時今日的中國同胞已經今非昔比, 相對其實係我們香港人大鄉里(不喜勿插)!! 我X'MAS 跟妹妹朋友返廣州更感念更深.

回覆
- Ayi
- 2010年12月31日下午7:11
路霸 :

回覆
- - 路霸
  - 2010年12月31日下午7:48
  悠閒 A YI :
  多謝妳！新年美好順利！
  Diy
- 芷
- 2010年12月31日下午2:57
(Empty)

回覆
- - 路霸
  - 2010年12月31日下午7:48
  呀芷 :
  多謝妳！新年美好順利！
  Diy
- Grace
- 2010年12月31日下午1:22
新年快樂
Happy New Year

回覆
- - 路霸
  - 2010年12月31日下午7:47
  小人物 ~ 愛講故事的小女孩 :
  多謝妳！新年美好順利！
  Diy
- 路過的
- 2010年12月31日上午1:24
今日的中國已經(在商業行為上)掘起
想當年(我童年時)在國內的物價是非常之低,家人俾小小錢我們都夠買零吃有剩,食飯2圍狂叫菜500元有找(再以前更平).現在肯定不行了,上次去廣州住了1個月時,物價跟香港分別不大..

回覆
- - 路霸
  - 2010年12月31日下午7:46
  Carlulu:
  奧運後喺近哩3年升得好勁，無他，全世界經濟唔掂，只有大陸無事！
  我今次喺普通飯店食一餐8個餸，都成千人仔，廣州喺亞運後沖不得了，啲嘢食都幾貴！
  我攞喺普通10年期回鄉咭喺$390架，快既要..
- Gael
- 2010年12月30日下午11:49
真係好豪呀間大屋！

回覆
- - 路霸
  - 2010年12月31日下午7:34
  Gael::
  啲裝修好表面架！細看啲人工唔得架！
  面積真喺好大，仲好高成12呎樓底！
  Diy
- 貓b老鴨
- 2010年12月30日下午10:38
今日的中國，已經找不到一丁點土味啦，

回覆
- - 路霸
  - 2010年12月31日下午7:31
  貓b鴨鴨 :
  土味無喇！但就有中國式浮誇！
  Diy
- 噢!地利 Oh!tria
- 2010年12月30日下午9:24
祖國咁大真係唔需要咁高o既樓囉.

回覆
- - 路霸
  - 2010年12月31日下午7:30
  噢! 地利 ..Oh!tria :
  
  喺喇！我都唔明！親戚就話大陸人好like咁高！house喺香港人先最like咋！
  Diy
- garfield
- 2010年12月30日下午9:02
路霸:
雖然我與家人回早國是以旅行為主,並不是探親,不過都知道國內近年的確發達發常,只是國內有些同胞的某些行為實在使我吃不消,加上空氣污染嚴重,所以怕怕了.

回覆
- - 路霸
  - 2010年12月31日下午7:26
  garfield:
  親戚新居入伙邀請我啫！由佢作東帶順道四圍玩下！
  喺喇！一提起大陸啲暴富「大款」和「環境空氣」差差差！幾日晴天但都喺灰灰的！
  Diy

成功發佈