元氣同千両其實都係美心集團旗下既食肆， 千両係貴價版既元氣，當然價錢比較貴，食物都會比較新鮮。 因為同媽媽於千両連續兩個月內食滿＄1200，所以就成為左會員。 [每消費HK$20可賺取1個千両積分，每20個千両積分可於下次消費時作HK$20使用]。 會員生日月份更可憑優惠卷，可到千両以半價用餐。 [2位可享全單5折;3位可享67折;4位可享75折，如此類推;10位或以上，一律可享9折。] 所以係6月既時侯，就同媽媽到尖沙咀既千両用餐。 一客既北海道海膽壽司都要＄50， 所以就叫左一客北海道海膽刺身＄200， 海膽鮮甜，沒有腥味。以香港壽司店黎講，質素非常高。 炸廣島蠔，即叫即炸，上枱時依然出煙。脆得黎唔會食到一口炸粉。 鵝肝壽司既鵝肝入口即溶，但太油，食後碟上都留下一灘油， 如將鵝肝上碟前印一印油會更好。 到甜品，我最愛既原個菠蘿雪芭冇晒， 所以叫左炸紫蕃薯年糕，紫蕃薯既份量唔夠多， 外層既年糕炸得乾乾，年糕又簿，變左一D年糕既咬口都冇。 到左晚上8點，更有師傅介紹剛從日本築地新鮮運到既魚貝類， 另外一位師傅更即場“湯”條魚，睇落好新鮮呀，可惜當時我已經食飽左。 最後食左＄645.5，半價後＄368 [飲品係無半價！！！] 點擊圖片放大 +12
