今日星期六咁好天架要出去行下啦,因全球疫情持續爆發,搞到好多國家都封城,或到當地要隔離14日,返港又隔離14日,香港人邊有咁多大假呀,加上坐飛機時,你唔會知道坐係你隔離果個人有冇中招,所以好多香港人同我一樣趁假期都會去下離島玩下行下,我今日就去左長洲啦!行下行下個肚餓了!架要揾野食,我就去左一間叫凱濤美食茶餐廳,咁啱又係下午茶時間,呢排減肥都放肆食嘢,今日就放鬆一下先,咁就叫左果炸雞脾配薯條跟凍檸茶走冰,係呢啲地方應該會比我地市區價貴少少,呢間勁抵只係$38凍飲汽水同價,唔洗加錢,到見到件雞脾真係嚇親,勁大隻重要係生炸,我樓下茶餐廳炸脾都冇佢咁大件,重要貴過佢,食落有好香沙薑味道,薯條新鮮炸勁好味,大家如果去開長洲一定要來試下點擊圖片放大 +6