值得一去,真係以為自己去左德國Marco Polo German Bierfest 2013 早幾日同幾個好姐妹去左Marco Polo German Bierfest ,真係幾好FEEL!我以前曾經去過德國MUNCHEN既BIERFEST,呢個搞得個氣氛幾似樣!無時間去德國玩都可以去TST感受一下德國啤酒節既豪情氣氛呀! 我地搵左好耐先搵到,因為周圍都無指示 ,原來就係係HARBOUR既停車場上面...無指示呢樣野真係要改善 原本我地打算先去快達網先訂票,但CHECK過都無咩DISCOUNT,咁我地就WALK IN萛啦... 入到去會場...WA...勁多人,勁好氣氛,我地大約7點入到去,主帳篷已經FULL晒,搵左好耐先至有位...溫馨提示...搵左位先至好買野食KAKA 入場票有2種,我地對只杯無興趣,就買左$130果只,已經包括左一杯0.5L既啤酒 之後就買野食啦,入面所有野都係可以用八達通既,十分方便! 飲杯...YEAH!!!! 香煎紐倫堡式肉腸配酸椰菜薯蓉 德國咸麥包圈 Nürnberger rostbratwürste mit sauerkraut und kartoffelpüree $130 Pretzel$15 味道好過德國食,尤其係酸菜,無德國既咁酸,不過如果條腸再熱D就更好味啦!至於Pretzel 就MAMA地啦,可能因番香港人既口味啦,ORIGINAL邊有咁軟呀!應該咸咸地又有咬口才是正貨,佢個樣就整得似,但味道就只係一舊包LAW... 老年咁大只既豬手... 燒豬膝配燴紅椰菜及芝士焗薯片$170 Gebratene schweinehaxe mit rotkraut und kartoffelgratin 即係我地成日講既豬手,味道唔錯,我地三個女仔好辛苦先食得晒...實在好大只,抵食!呢碟野既SIDE DISH我覺得仲好味!果D芝士焗片簡直食完齒頰留香,食完想再食!!! 蘋果酥卷配雲呢拿汁＄７５ Apfelstrudel mit vanille-sosse 我地無食到呀...因為太飽啦 士多啤梨撻配雪糕,食唔落...影張相當食左 Erdbeertorte mit eiscreme 食飽左就去看表演啦...好唔好我唔識聽,但佢地好識搞氣氛呀,又唱歌又跳舞... 大約9點左右D人開始情緒高涱,人人隨著節拍起舞起來 強烈建議著背心去,入面真係好HOT 仲有德國傳統民族舞表演,表演者著上傳統服裝,你都可以即場買頂帽去襯下(呢張相係係官網搵的,因為當時實在太多人,跟本影唔到相) 如果人多,你可以再ORDER一桶啤酒,都係300桶 臨尾見到有呢只餅賣,好靚,$90買番去做記念(我記得以前買過,好睇唔好食的) Marco Polo 德國啤酒節 看照片也能感受到當時場內的興奮氣氛 日期 : 10月25 - 11月16日 (時間詳情) 地點 : 尖沙咀馬哥孛羅香港酒店6樓海景露天廣場
