13度的泰北之旅 早陣子迪子趁住有幾日旅行就同老公去個短TRIP CHARGE 下電,近呢幾年,可能真係老啦,去旅行比較鐘意觀光多D,近近地去下泰國都好呀!大家都知呢排BANGKOK近來政局唔穩定,所以我就決定去泰北啦!我真係無諗過原來泰國可以咁凍,我去果幾日平均都係得16度晚間得13度,帶晒D短打去到全部唔岩著,仲要去買長褲同埋外套! 我地二公婆對住酒店既要求係好低,最重要係價錢合理地點方便同乾淨,因為去旅行都唔會係酒店好多時間,我地就BOOK左呢間Chiang Mai Boutique House 4晚,係清邁機場打的200銖就去到!200港幣一晚包早餐,房間都幾舒服呀! 去之前我係網上搵個資料,原來清邁果度係有Segway玩!早排TVB三個小生去旅行都有介紹過,其實我幾年前去法國玩過,不過當其時只係玩左15分鐘,無人招呼仲收左我成10EUROS!呢度玩,平好多仲要勁好SERVICE!我上網BOOK左,係果日早上去到GIBBON SEGWAY,快速教學5分鐘就開始SEGWAY TOUR啦!睇下我老公幾開心! Gibbon Segway係當地既一間幾出名既local tour,價錢比較貴但服務好,你JOIN佢地既團,早上有PICK UP SERVICE,玩完又會送你番去,除左SEGWAY TOUR,佢地仲有好多唔同既團,例如大象營(唔係坐大象,係同大象沖涼,玩呀果D全接觸,好開心咁!不過我老公怕污穢唔玩LOL)同埋野外探索同埋行山團等 我地既HALF DAY TOUR 包括用SEGWAY遊清邁城,我地果團有二個領隊,前後保護住我地,當出馬路時,佢地會幫我地開路,好安全GA 我覺得好有型呀! 係團既最後一個景點,會包括去一間幾靚既CAFE食野,我地同團既老外團友,佢地成60歲啦,好玩得! D野都幾好味,呢個團大約400港幣,我老公好滿意 之後第二日我地又JOIN左另一個LOCAL TOUR,去White Temple 同埋去探訪長頸族村 White Temple係近代之作,個設計師依定先至50歲,仲一直起梗,外表閃是令令,個建築師起呢個廟係因為佢細個果時,佢住既呢條小村,係去金三角既必經之路,好多旅遊巴經過,但係沒人願意停下來,因此佢心想為自己條村做一D野,吸引遊客停下來看看他們 所以就起左呢個閃閃令既廟啦!而真係好多人因為呢個廟而專程去清萊 之後就去左清萊既長頸族村,我看書話依家因為交通發達,而長頸村既居民好多都出去打工,少女們都唔願意戴上頸圈啦!即係話可能再過耐D就可以無得睇啦!所以大家有機1就要去看看呀!果度既居民過住一D好純樸既生活,用柴煮食,賣手作為生而佢地本身唔係原住民,導遊話佢地本身祖先係雲南既,但因種種問題,就搬遷到泰北呢度落地生根 點解長頸族女人要戴頸圈? 其實佢地腳上都有腳圈,開始時係為左保護既作用,因為以前有老虎既出現,因為佢地覺得女人不能保護自己,而頸同腳都係身體最脆弱既部份,所以開始戴上銀圈保護自己!年年加,慢慢加,圈圈愈多愈美麗...女人為靚可以去到好盡既! 難得有一個少女係戴頸圈,佢真人幾靚女呀!皮膚好好,佢好貪靚呀,有化妝,仲好識擺POSE 依家佢地都唔幫小朋友堅上圈圈啦,我眼見小朋友既圈圈都係鬆鬆地,其實都係為左遊客而帶既 小朋友都化妝,好貪靚! 村入面既保護神... 之後就出發去老撾, 其實係去到一個老撾既小小鎮,位置係金三角果度,基本上無咩野睇,去到此一遊咁LOL,不過老撾既龍坡坊係我另一個想去既地方,睇下今年有無機會 好流既郵筒,不過一個月之後真係收到呀! 玩左成日,我地晚上就清邁行下夜市,食下野咁 係清邁市集,各種各樣既小食手信應有盡有,平均消費比曼谷仲要平20-30%,加上果度未被強國遊客發掏到,多數都係外國遊客而且無曼谷果邊咁多人!因此呢幾日我覺得好寜靜好RELAX! 我最愛既椰皇,一個先係10銖(2.5港幣)不過呢D野唔可以飲多呀! 行行下夜市都可以按下腳,好開揚,好多鬼佬介紹,其實周圍都有好多裝修精美既SPA,而且收費好平 我去旅行,通常會係TRIP ADVISOR度搵資料,果度既飲食資訊好靠得住,只要係4星以上或者係TOP50既,都一定好食! 呢間就係 Nice kitchen食咁多野,100蚊有找 超凍,要買杉,好在好平,牛仔褲一條40蚊左右,個姐姐好勁,我叫佢介紹,望一下比左呢條我,一著...嘩,好FIT,仲要CUTTING幾好 MADE IN THAILAND 行行下,有土炮涼茶飲!我見有鬼佬飲,大胆迪幫襯左!5銖,1蚊港幣,甘甘地香香地又幾好飲 之後果日我地又幫襯左個LOCAL TOUR,果間野叫TOP TREE ADVENTURE,包坐大象,木伐,空中飛索同埋有一餐你食 果導遊好唔得!野又難食!不過幾好玩! 坐左半個鐘,好玩! 我真係好鐘意動物,本身想參加3日2夜既大象營,但老公唔鐘意, 請你食蕉呀! 木伐... 之後就玩Rides,要著好保護衣物同埋安全裝備,果度既STAFF好PRO,好細心教你玩,好安全! 好拿驚,不過好好玩呀! 十幾層樓咁高,不過玩玩下又慣啦! 番到去,好勀,本身係想係附近是但食D野點之又誤打誤撞食到好野! 人生中最好味既冬蔭公MANGO BLUE,TRIP ADVISOR 5星評分 快樂時光話咁快就過去LU 多謝收看 其他平台 http://hylam.theztyle.com http://blog.she.com/hylam http://blog.qooza.hk/hylam1 http://www.beautyexchange.com.hk/portal.php?mod=list&uid=112069 http://www.fnb.hk/blog/229767 http://www.ubeauty.com.hk/member_blog/didilam/ http://weshare.hk/hylam http://blogs.elle.com.hk/hylam http://www.beautylife.hk/?91572 contact me :dididilam@yahoo.com 請多多支持
