今日黎到九龍公園同女友游早水，游完好肚餓。 於是黎左附近的<<SHINE>>食返個brunch。 呢度裝修時尚，空間感都幾大，有梳化位，坐得舒服。 餐牌分為單點，套餐及飲品。 我地叫左個all day breakfast既brunch set。大大碟送上枱，好豐富。大蘑菇、德國肉腸、炒蛋、多士、火腿、煙三文魚 及沙律菜。 我自己就好鍾意個滑蛋，因為入口好滑，又重蛋味。煙三文魚份量多，入口小小咸。 多士就夠哂脆啦。 蘑菇好大好 juicy，咬落去會有好多汁流出來。 套餐加了$15來轉特飲<<kiwi soda>>，入口小小酸，但飲耐左又會愈來愈甜。加上有奇異果果肉，不錯。 另外要多份<<烤豬肋骨配蜜糖薑汁醬油>>。份豬肋骨都好大份，而且屬於多肉的。食入口甜甜的，肉質夠韌。配埋呢個薑汁醬油，味道就更加昇華喇。 ------------------------------------------------------------------------------------ 地址:尖沙咀北京道12A號太子集團中心6樓 電話:5328 8480 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
