作為半個咱厝人，自小就食過唔少福建菜。香港雖然多福建人，但福建菜真係唔多，大型的福建菜酒家就更加少。 女朋友今次帶左我黎美麗華廣場食米之蓮一星<<莆田>>，佢話係新開架喎。 果然係住附近的地頭蟲。 餐牌簡單得來時尚， 坐低就會送上炒咸花生及紫菜乾。 這裡是用菊花茶，氣味清香，畀個讚。 先來一碟<<蝦苗拌頭水紫菜>>。青瓜片把紫菜圍成圓形狀，紫菜上面放上幾隻蝦苗，入口清涼，口感爽滑，小小酸，好開胃。 <<九轉小腸>>，上枱時仲慢慢加熱。碟腸雖然係灌左好多豬小腸，但絕對洗得好乾淨，唔會食到一絲異味，入口有層次又夠爽口。 <<花雕蒸蟶子>>而家係哆頭蟶當做的季節，所以真係隻隻都十分飽滿。 將其去殼再加上花雕杞子湯底，入口真係好濃花雕味。蟶子入口又滑又肥美。 <<百秒黃花魚>>魚肉入口好滑又夠熱，但要小心多魚骨。 <<蛋抱蟶子>>以哆頭蟶為主題加上雞蛋一起炒。一口夠鑊氣之餘仲好香蛋味。加上哆頭蟶，口感更加豐富。 -------------------------------------------------------------------------------------- 地址:尖沙咀彌敦道118-130號美麗華廣場2期2樓269-270號舖 電話:3621 0825 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
