[ 17 Feb 2017 ] DAY 2 @霧島 早上沒有行程，所以訓到差不多十點。收拾好後，拉埋行李去了鹿兒島駅的JR櫃枱兌換左張期間限定<<南九州三天PASS>>用來坐JR。 呢張PASS真係幫我慳唔少，但一定要在日本國外買，我就在東瀛遊以$487買的。 就地係鹿兒島駅的一間迴轉壽司食返個午飯先出發。 中間的8件壽司只賣815YEN，都算大件又抵食。其他單點都唔貴，最緊要係食得我好滿足。 吃飽飽就搭JR出發前往<<霧島神宮駅>> 在這裡可以坐去丸尾的公車，其實跟住大夥兒上車就對了。 我地係丸尾站下車，然後打電話比旅店，佢就會搵架車黎接我地。不過唔知點解個電話打唔出，好彩有位日本叔叔幫手打。 今次我地住的是<<旅行人山莊>>，係一座位於深山有一百年歷史的溫泉酒店。 登記後，女仔可以揀佢地既花花浴衣，款式都幾多。 我地訂的是塌塌米房型，真心覺得很好 酒店位於深山，後山有一條瀑布，於是同女友兩個去探險一下 一路上指示清晰 大約行20-30分鐘就會見到 返返去酒店都已經差不多黃昏，酒店有一個戶外足浴，可以遠眺櫻島，真係享受。 呢間酒店有四到五個露天私人風侶給每間房45分鐘享用，我地約左晚上6點到6點45分的<<赤松之湯>>。因為赤松之湯很愛歡迎，所以就要一早在電郵訂左時間先。恰好呢後時間係橫跨日頭及夜晚之間，所以一次過體驗到白天與晚間浸溫泉。 經過小路行入森林，入面有間屋仔更衣及沐浴。 開始時仍是白天，對個個森林浸真係有種「天地有正氣的感覺」。 浸浸下個天就黑哂，兩個人浸咁大個泉，如果落埋雪就更正。 快樂既時間過得好快，休息一陣，七時半就吃懷石料理。 一路食佢仲會一路上 六白黑豚肉 甜品及水果。 呢間溫泉酒店好抵住，一泊兩食，都係千五蚊港幣一晚。 返到房酒店已經在吃飯時幫我地鋪好左塌塌米。 食飽飽，睇陣電視，天氣冬，早點熄燈休息。 DAY 1: [鹿兒島市]https://goo.gl/eHpacd DAY 2: [霧島]https://goo.gl/syeMZj DAY 3: [宮崎]https://goo.gl/6PVVE4 DAY 4: [宮崎]https://goo.gl/KZFVrV DAY 5: [鹿兒島市]https://goo.gl/DrrPoG DAY 6: [鹿兒島市]https://goo.gl/JkfUwN ------------------------------------------------------------------------------------ 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
