[ 31 OCT 2016 ] DAY 5 @大阪 大阪的環球影城相信是很多遊客都會去的地方，我也不例外。而且要用上一整天的時間，也預先上網看看這天的預計人數，於是就放在第5天。 環球影城因為實在太多人去，所以很多人要買FAST PASS來節省排隊時間。不過窮遊的我，唯有睇哂各旅遊達人的攻略。 我們只買了基本入場票，而且是在網上KLOOK買的，比夠容易及便宜。正所謂早起的鳥兒有蟲吃。我們地鐵轉JR在7時左右已經到了門口。到的時候已經有很多人在排隊，但放心，只要在已買票在手，跟住排就可以，這時可以吃吃早餐先。 約7時45分左右，VIP的先放行，接著也會在正式開門前早15-30分鐘，把在門口的旅客也放進場，即是我。只要一入園，一直向前跑，奔跑吧女神! 記住，一見到有十字路就向右轉，見到呢架車就到活米村喇。 睇下，成個活米村得幾丁友咋，跑得快真係好世界。 城堡就是玩「哈利波特禁忌之旅」，最後，我同女神BB係半小時內玩左2次，直入，不用排隊, 大成功。 這下子才慢慢的欣賞「活米村」，同時樂園才正式開門呢。來到，見到奶油啤酒，因為時間尚早，所以唔使點排隊，當然唔可以放過。 奶油啤酒入口甜甜的，凍的應該比較好飲，一試無妨。 然後就出發去玩「蜘蛛俠驚魂歷險記乘車游」，因為時間尚早，唔使點排隊就入到 。呢個GAME都唔錯，推推推。 仲有必試<<蜘蛛俠肉包>>，很可愛。 接著是「大白鯊」遊船， 都只係排左15分鐘左右 跟住就黎到「侏羅紀公園」 乘船游，呢個我地坐船頭，會勁溼身。 呢個時侯，經過活米村，仲可以自由進出，於是就行多次。 呢個城堡景真係必睇景點之一。 再去看魔法捧的示範。 呢個火車就係門口咋，唔係唔影呀! 呢個時侯返返去「侏羅紀公園」睇恐龍表演。 跟著呢個就係我地排最耐隊的遊戲「魔鬼終結者Ⅱ 3D」，排左都有半小時，入到去仲要聽日文講解15分鐘，才可以入去睇3D影片。其間有日本人等得太耐暈左... 差不多這段時間，已經不能自由進入活米村，要用fast pass或「抽整理卷」。 我最期待的MILLION巡遊，可以一齊拍拍照。 不能錯過的還有「大巡遊」，這是我看過最投入最有氣氛的。 另一樣必試的就是「超大火雞腿」，大大隻，不過有點韌。 趁呢段時間就睇埋MILLION街頭表演。 去到呢個時侯，我地想玩既已經七七八八，可以周圍行下，因為萬聖節關係，日本好多後生仔，學生哥都會黎入慶祝，中午過後變裝與不變裝的比例已經差不多去到一比一，十分跨張。 呢個時侯差不多四時多，我地都係走喇，唔係度磨，不過愈夜愈多入進場。 總括而然，中午十二點前已經玩哂要玩的項目，所以如果想慳錢又可以早起的話，不妨一試。 辛苦了一天，夜晚食好D，來日本當然找一晚來吃燒肉，這間位於心齋橋附近的就是我們的目標。 3758YEN一個人，唔算貴，呢間都好多香港人同台灣人等位。 雖然佢D牛係正，但我其實最愛係海鮮。 最有驚喜係最後佢個甜品真係好正，清哂口腔中的油膩感。 黎到呢晚都係最後一晚係日本，所以都要買返D藥妝，手信等等等，也要開始執拾行李。 2016關西6日5夜連結: Day 1 https://goo.gl/guvBKo Day 2 https://goo.gl/LxbXnb Day 3 https://goo.gl/wEFDvl Day 4 https://goo.gl/EFiIGV Day 5 https://goo.gl/BLvrEi Day 6 https://goo.gl/3pafNy 京都住宿 https://goo.gl/kZ88P0 大阪住宿 https://goo.gl/UWfvTa ————————————————————— 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
