這個星期六跟女朋友去了文武廟還太歲，大家出奇地心有靈犀想食泰國菜，於是就決定去近銅鑼灣的 <<新泰東南亞餐廳>> 。 之前都食過其他分店，感覺都真係唔錯，所以今次就黎試呢間近銅鑼灣的，方便食完行街。 餐廳的裝修跟其他分店一樣是走傳統泰式的方格。 同樣貼心地，餐廳是卡位及圓枱為主，方便不同群組的食客。 中午呢度有午飯套餐揀，相對抵食。 我就揀左<<越式蟹肉炒粉絲>>，蟹肉既份量我覺得算多，炒粉絲又夠鑊氣，仲有我最愛既札肉，一陣間已經比我食哂。 女友叫左<<泰式海南雞飯>>，賣相好精緻，有D似日本的便當。 飯是黃油飯黎，入口香軟又不會油淋淋，又伴以椰菜花及芥蘭。而主角海南雞則好肥美，但有骨。 <<蜜糖燒肋骨>>一碟四塊，入口很香的蜜糖味，肋骨又燒得好香。 餐飲可以加$8叫杯<<咸檸檬七喜>>，解解渴，清清口腔油膩感。 ------------------------------------------------------------------------------------ 地址:灣仔軒尼詩道314-324號 W Square 2樓 電話:2827 8877 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
