女朋友係觀塘工廠區返工，夜晚去接放工，順便食個飯。 佢就推介左呢間隱藏於廠廈的外國餐廳<< Mela Italian & Spanish Cuisine>>。 呢度裝修都幾colorful， 牆身放左好多畫來點綴， 女朋友睇完菜單，就點左幾樣野。 來先一碟<<煙吞拿魚，溫泉蛋，尼高斯沙律>>，兩份食。 先食沙律可以墊下胃，煙吞拿魚夠哂大塊，咸咸地，加埋火箭菜，車厘茄等，夠哂清新。 仲有粒溫泉蛋，比我一口吞左落口，蛋黃係口腔入面爆開，正。 是日靚湯<<南瓜忌廉湯>>，入口好濃南瓜味。 配<<番茄香草軟包>>，包軟湯滑，好合拍。 <<意式番茄芝士焗黑毛豬肉丸>>一上枱已經見到有一大層芝士係面。 黑毛豬肉丸肉質有層次口感，肉味又濃，加上番茄及芝士的配撘，真係好JUICY，愛吃豬肉及芝士的不能錯過。 食到差不多半小時，主角<<西班牙式烤焗乳豬>>配蘋果醬終於到啦。 呢碟烤焗乳豬製作時間要30分鐘架，豬皮入口脆，豬肉煙韌，配以甜甜地的蘋果醬都幾特別。不過食得多就有小小口渴同油膩。 所以都叫左杯<<青檸梳打>>，真係非常解渴去油膩感。 ————————————————————— 地址:觀塘駿業街66號巧運工業大廈11樓C室 電話:3686 0988 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
