星期六跟女朋友在銅鑼灣做完身體檢查，之後又買左飛睇戲。 中間呢段時間當然要醫一醫肚，食個午飯啦。見仲有成兩個小時空檔，於是就食餐好的，又可以坐耐小小，選擇左黎The Grill Room。 呢度都可以算係扒房，裝修好有美國風。 擺位主是長枱及高枱為主。 最為驚喜的就是窗邊的一排座位，有沙發坐又可以享受一下陽光。 這裡中午是有BRUNCH SET的，共六款。 前菜點了沙律，沙律菜細細的，容易入口。加上麵包碎，口感豐富又清新。 主菜就揀左<<招牌坑燒豬小排配沙律薯條>>。 燒豬小排夠哂分量，切上手，骨骼分明，肉的比例絕對不少，很易切開。 雖然表面看似燒焦，但入口沒有燒焦的味道，反而表皮香脆可口，內裡肉質嫩滑。 薯條上枱時熱辣辣，食落可口又不會過於油膩。 再附上兩種醬料及沙律仔一碟。 最後加錢點了邪惡Spooky shake。 賣相很可愛呢，上層是滿滿的Cream，再加上一個花臉，很討人喜愛。 Milkshake揀左雲尼拿黎做底，每飲一啖都有好濃的雲呢拿味道，加上威化餅及OREO餅，有得食又有得飲，飲完真係罪惡感爆燈。 ------------------------------------------------------------------------------------- 地址:銅鑼灣駱克道459-461號The L. Square 5樓 電話:2897 6838 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
