第1年係德國過既生日，因為我個仆街flatmate，我過得完全唔開心。

成晚都訓得唔好，發夢都係度諗點同個仆街deal。本身今日d同學自己發起左係Bochum既excurion，為左混熟我本身都報左名話去，但係依件事，我連去既心機都冇埋臨時甩左底。

起身見佢唔係度，快速梳洗完之後就同左屋企人視像兼同佢地講個仆街d野。真係好sad，越講越sad，人去讀書我去讀書，點解我好似冇一樣野係順利。出發前因為visa問題搞到我開左學生過到黎，黎到之後覺得個master奇撚怪怪，讀d野又同我想像唔同，d同學太多local我又完全混熟唔到，間hall明明係學校hall但係遠到仆街。依家仲要連flatmate都係一個大仆街，都唔知點解當初我會信左佢係1個好人。再望住屋企人果陣，實在覺得自己唔生性又任性，當初好地地留係hk番工咪算點解會走黎依邊讀書咁搵自己黎搞，仲要瘋狂擔心自己積儲唔夠依2年，個人真係好累好似黎捱咁.....仲要受人氣..........

今日有堂6點鐘堂係Bochum上堂。個仆街3點幾就番左黎，本身做好哂準備以為佢會搵我傾但係佢冇。本身有諗過唔去上堂想俾自己係hall放空下懷緬下過去就算，但係覺得自己咁樣會抑鬱所以最後都去左上堂。

其實我地班真係得好少男仔，連埋我都只係得9個。上堂果陣，見到去excurion果班同學自己坐埋左一齊，而我當然都係自己1個啦 O:) 好彩係，最後有個我地班既男同學遲黎，坐左我隔離。有個人俾我傾下計交下流，個人心情好番dd。其實我d local同學係幾好既....因為依個lecture又係圍繞住德國當地d policy我根本就唔知乜鳩黎，佢見我一頭霧水特登解釋我聽。本身今朝我先同家母講完我對德國成個地方同人既印象都越黎越差，其實或姐只係我不幸姐遇埋d人同事都係差既。

落堂之後果個男同學好快就走左，佢自己駕車黎上堂。當我係lecture hall門口對住張通告發牛逗果陣。我果堆去左excurion既同學走左出黎，一見到我就問我今日係咪我生日。我受寵若驚先記得上星期依個lecture果陣我同其中1個女同學一齊搭車番Essen果陣，我有提過今日係我生日而佢仲話可以落堂叫埋其他人一齊同我去Christmas Market行下。估唔到佢記得仲同左其他同學講，d女同學仲逐個逐個走埋黎攬我同我講happy birthday。果下其實我真係有d感動，黎到依邊1直都好重既孤獨感，依1刻終於覺得，原來我都有dd存在感架haha。雖然佢地攬我果陣我有d shyshy.... O:)

最後我地亦都真係1齊去左Bochum既Christmas Market，一行9個人得3個男仔其實都真係幾誇張。去到Christmas Market我地一齊邊飲Glühwein邊吹水。上次我同東東黎依到我飲紅，所以今次我飲白。白既甜過紅，幾好我心情已經夠苦有d甜野好重要。同佢地傾計途中，我有瘋狂呻我flatmate d野，其中1個女同學同我講佢住緊1個student apartment係正學校對面，仲要只係200euro仲話環境幾好，雖然6個人1間apartment=_=但係200euro真係好吸引，表示好有興趣既我佢話可以帶我去佢住果度先參觀下。佢話好多人放租所以叫我留意下。依件事算係flatmate事件帶黎既好處掛....雖然一諗起番到去又要面對個仆街我真係想...唉

番到去，佢都係冇搵我。平靜地，係德國既第1個生日就咁完左lu....... :)

成功發佈