好耐冇打邊爐，嚟咗呢間銅鑼灣嘅火鍋店，佢地有好多唔同款式嘅自家火鍋湯底，亦都主推唔同部位嘅優質肥牛。店入面設有唔少包廂，私隱度極高。 🥥🐓椰子雞鍋 $258我哋叫咗招牌嘅椰子雞鍋做湯底，湯底煲滾之後加入椰青汁同半隻雞件一齊煮熟就食得。湯底帶淡淡椰香之餘仲有鮮甜雞味，雞件非常嫩滑。打邊爐之前可以先飲一碗原湯暖吓胃。 🐂精選牛肉拼盤 $388牛肉拼盤有四款唔同部位，啱晒我哋呢啲牛魔 王。鮮肥牛油花均勻，輕輕涮幾秒即熟，肉質腍嫩。牛脷片薄薄一片，口感爽脆。新鮮牛坑爪粒食落有嚼勁，牛味香濃。手切牛肋肉，肉質厚實，脂肪比較少，肉味濃郁。 🥟蝦乾豚肉餃（小) $52餃子皮薄餡足，蝦乾鮮味突出，帶少少辣味，加埋豚肉，鮮味十足。 四寶丸（小) $46四款手打丸各有特色，墨魚丸同蝦丸口感彈牙，梅菜豚肉丸鹹香惹味，牛丸牛味香濃。 🥬冰菜 $40蔬菜方面我哋就叫咗唔係成日見到有得食嘅冰菜，冰菜新鮮口感脆嫩，輕輕一涮就食得，清爽嘅味道好適合平衡返肉類嘅油膩感。 🍋檸檬薏米水 $78飲品我哋就叫咗自家製嘅檸檬薏米水，酸酸哋清香解膩，配搭埋薏米非常有益健康，啱晒打邊爐飲。。。謙記火鍋 (銅鑼灣)銅鑼灣謝斐道408-412號華斐商業大廈2-3樓。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #火鍋 #打邊爐 #灣仔 #灣仔餐廳 #銅鑼灣 #銅鑼灣餐廳
