呢間位於尖東嘅居酒屋，店面唔大喺商場角落，但入到去就發現全店滿座，有唔少都係熟客。我哋坐嘅吧枱就可以睇住師傅專心炮製料理。 🐙芥末八爪魚先有芥末八爪魚做前菜，八爪魚切得細碎，口感爽脆，芥末嘅辛辣點到即止，不會太過嗆鼻，非常開胃。 🐟刺身拼盤我哋叫咗個廚師發辦嘅刺身拼盤，主打有蜜柑鯛刺身，搭配酸汁一齊食，魚肉帶淡淡柑橘香，清爽鮮甜。另外仲有炙燒蜜柑鯛，輕輕火炙過之後，魚皮微脆帶d焦香，油脂更濃郁，蘸醬油食就更顯風味。另一款帶子海膽包用水嫩鮮甜帶子夾住幼滑海膽，入口即化，毫無腥味。最後仲有生蠔，肉質爽口滑溜，亦有淡淡嘅海水味。 🍢串燒類呢度除咗刺身，串燒嘅選擇都好多，串燒火候控制得唔錯，炭香突出但唔會過焦燶，我哋就叫咗下面呢幾款：-鹽燒鵪鶉脾：肉嫩多汁，簡單鹽燒已經可以帶出鵪鶉本身嘅美味。 -豬腩肉串：肥瘦相間嘅豬腩肉，烤到微脆，油脂香而不膩。 -雞頸肉：口感特別，彈牙有嚼勁，啱晒餸酒。 -雞腳筋串：膠質感重，入邊仲有雞軟骨，越嚼越香。-雞肝串：內臟處理得乾淨，口感軟熟，完全冇腥味。 -荔枝豚肉卷：豚肉片卷住原粒爆汁荔枝，甜鹹交織，味道豐富。 田樂豆腐表面炸到微脆，內裡軟嫩滑溜，味噌醬香甜惹味。 🐓爆炒雞橫隔膜用鐵板上鑊氣十足，連啲洋蔥都非常香口，雞橫隔膜肉質彈牙，好有口感。 🍜蕎麥麵冷麵冰涼爽口，帶淡淡嘅蕎麥香，浸喺加咗生蛋黃、蔥同紫菜嘅冷麵汁一齊食，非常清爽。 。。沃川自家料理 (尖沙咀)尖沙咀麼地道75號南洋中心UG樓5-8號舖。。#手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood #尖沙咀 #尖沙咀美食 #尖沙咀餐廳 #尖東
