Job Interview 101 - 介紹下自己 作為一個90後,我唔可以話自己見識過好多,亦唔可以話自己工作經驗有幾豐富,但因為某d原因,我去左超過20間公司見工,無錯係20間....見工經驗豐富既我決定同大家開心share我見工既所見所聞,同大家吐下苦水之餘,亦會提供Tips比大家應對HR Bitch 相信大家去見工既時候,第一條最先比問到既問題就係 - 可以介紹下自己嗎? 對於呢條問題,所有見工既人都一定準備好一個公式化既答案,當然我都晤例外,每次都吹到自己係上一份工有幾多偉大既見樹,不過凡事都有例外,有時都會出現令人手足無措既情況... 以下見工發生係某時裝品牌 - 簡稱B&B HR: 可以用中文介紹下自己嗎? 我: 好, 咁我之前就係外國讀完書返黎既,我... HR: 下 係咪香港讀既Top up degree 我: 唔係 (八婆) , 我真係出外國讀架 (係咪唔識聽中文?)... HR: 好,你繼續 我: 咁我係某某公司做左2年,因為健康問題所以就無做啦... HR: 啊 咁你唔返去做 哈哈 知唔知佢地請到人未? 我: 哈哈(呢到一定要陪佢假笑, 免得自己爆seed) 咁我都想可以趁機會move on,接受新挑戰 HR: 咁你會點形容自己? 我: 唔係好好動既人,但鍾意同人接觸所以先去外國讀書 HR: 係啦, 我都覺得你唔夠活潑,好靜 我: (做文員都要活潑?!玩野下八婆) 哈哈哈哈 都係 無錯, 面對呢種"特種奇行HR Bitch"既時候,只須緊記一個字, [假] 呢種人係最唔識睇人眉頭眼額, 所以基本上你好想做呢份工既話,無論佢講既野係幾唔經大腦都好,只要你跟住佢既flow,一齊鬥腦殘就保證你水到渠成 下一篇,我將會同大家繼續分享見工既趣事...
