除咗日本菜，我其次最愛就係越南菜！特別係越式火鍋及湯河，我次次去越南都必食！🤤最近我發銅鑼灣開咗間好傳統嘅越南火鍋店——「Số Tám」！我哋香港平時食嘅火鍋，都係一碟碟餸咁上，但越南嘅火鍋就唔同，佢哋會用一個圓盤，裝晒食物係鍋邊，方便人碌食物，或放置碌好嘅食物之用！而Số Tám食到嘅就係圓鐵盤火鍋！ ▲估唔到香港都有越南圓盤火鍋食！好有Feel！ 除咗圓鐵盤嘅食用形式，Số Tám嘅湯底都遵照越南做法，好似招牌蟹肉湯，以全隻鮮蟹加入番茄、蝦米及調味料，要熬足五小時先完成，夠晒香濃惹味。🤤另外，我仲叫咗海南雞飯、燒豬肉法包、串燒等等，幾個人除返，人均都唔洗兩舊，好抵呀！ ▲蟹肉湯好香濃，令配料加混鮮味！ ▲就咁係圓盤上夾配料，碌完就食得！✦ 越色豪華火鍋 HK$228一大鍋直上，配料勁多！有菜、蜆、魷魚、牛肉，同埋濱海（類似網狀米粉）！值得一讚係個蟹湯底，濃厚嘅蕃茄，中間帶有鮮甜嘅蟹味，好惹味！ ✦ 香茅燒豬頸肉 HK$88豬頸肉燒得香脆，質感爽口，幾好。 ✦ 燒豬肉法包 HK$68（連湯）呢個真係好抵食，因為個法包超級大！店家會奉上越南直送嘅Maggi，比我點住嚟食，鹹鹹香香，味道唔錯！😂 ✦ 春卷雞肉串燒撈檬 HK$88呢度嘅串燒真係好正！雞肉外脆內多汁！店員話佢哋係用800度嘅高溫烤爐燒製，所以可以緊緊鎖住肉汁！春卷就好酥脆，入面有粉絲，唔錯。撈檬就正常發揮，無咩特別。 ✦ 椰青煮蜆 HK$125用椰汁煮蜆都係第一次食，成個湯好鮮甜，蜆肉柔軟，整體幾清新。 ✦ 越式札肉米紙卷 HK$78正常發揮，偏多菜，我鍾意。 ▲海南雞好滑，高質！ ▲正宗越式海南雞，薑黃飯係用碎米做！✦ 無骨海南雞飯 HK$98越戰過後，經濟低迷，當時越南有出口白米，靚嘅米會出口，越南人則會食餘下嘅米碎，所以傳統嘅越式海南雞飯，飯底係用薑黃碎米做！估唔到呢度食嘅海南雞，竟然咁傳統！令我有啲驚喜！😯不過我個人還是鍾意粒粒飯嘅口感！😝至於雞，都做得幾滑，雞件都多，絕對食得過！ ✦ 越南滴咖啡 HK$38咖啡豆應該經過深度烘焙，帶有焦香味，偏濃，對我嚟講濃咗少少。 ▲餐廳好多打卡位！ ▲Số Tám黃綠裝潢，好有東南亞氣息。 ★－:+:－:+:－:+:－:+:－★🎡味道：4🎠環境：4🎪服務：4🕌CP值：4（*5為最高分）★－:+:－:+:－:+:－:+:－★◌ Số Tám◌ 銅鑼灣羅素街8號英皇鐘錶珠寶中心2樓★－:+:－:+:－:+:－:+:－★🎀 記得like埋我，每日放送打卡好去處！📸https://www.facebook.com/daydaycheckinhttps://www.instagram.com/daydaycheckin💗ᴿᵉᵃᵈ ᴹᵒʳᵉhttps://flowspace.hk/
