最近介紹咁多靚T，其實我同時都有周圍發掘小店～其中位於大角咀嘅Easy Joe就係我近期試過、感覺都幾滿意嘅餐廳之一！名就叫二世祖，但嚟到感覺並唔離地呢！裝修大玩工業風，牆壁又有一系列繽紛塗鴉，幾貼近後生仔口味！😎▲「二世祖」不離地，裝修貼近後生仔口味！▲壁畫好抵死，睇見都忍唔住想打卡！▲嚟到呢度一定要試佢哋嘅鰻魚蛋包飯！▲黃店PePe認證！至於食物方面，晚市以大角咀嚟講屬中價，但水準係唔錯ge！今次我就試咗佢哋最有名嘅原條鰻魚蛋包飯，配蜜糖芥末炸雞翼及洛神花柚子梳打，簡簡單單又一餐！✦原條鰻魚蛋包飯 HK$158份量比想像中大，原條鰻魚舖係蛋包飯上！目測有近30cm，上枱時真係有啲擔心食唔哂！😂佢唔止長，啲肉仲好厚身軟冧，配埋個蒲燒鰻魚汁，好味呀！🤤另外，鰻魚下有勁多滑蛋及木魚，滑蛋幾滑，不過點嫌碎咗啲。清晒啲飯都仲好多餸餘下，真係好少可食飯，會餸多過飯，成件事個價唔算平，但份量多，幾足料ge！✦蜜糖芥末炸雞翼 HK$78一碟炸雞翼有6隻，加埋有一堆沙律，價錢都算合理。佢個芥末幾濃，入口拿拿地口，加埋蜜糖，香香辣辣，幾正！不過唔好辣嘅朋友可能會頂唔順。✦洛神花柚子梳打 HK$42初初點呢款，係因為顏值高，但上枱個樣反而比想像中唔同，隻杯勁高，同埋無紅色漸變！坦白就啲失望😂不過，呢款特飲又無想像中咁甜，酸甜梳野，幾消暑。★－:+:－:+:－:+:－:+:－★🎡味道：4🎠環境：3.5🎪服務：4🕌CP值：3.5（*5為最高分）★－:+:－:+:－:+:－:+:－★◌ 二世祖◌ 大角咀福全街18號地舖★－:+:－:+:－:+:－:+:－★🎀 記得like埋我，每日放送打卡好去處！📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin
