榴槤呀榴槤，盡管全世界都話你重口味，我都對你不離不棄！🤤

我身邊幾乎無咩人愛榴槤，甚至我細個時都非常抗拒！直至前幾年因工作關係，差不多每個月都會去馬來西亞，當時啲朋友帶我去水果檔食榴槤放題，那時檔販開咗隻紅蝦（榴槤品種之一）比我，我半推半就塞入口，自此對榴槤嘅愛就一發不可收拾！🤤

果肉雖少，但肉質香甜濃郁，帶有少少酒味，加上綿密嘅口感，味道真係比香港成日食到嘅泰國金枕頭差天共地！可惜家陣無得飛，想再飛馬拉食榴槤都困難重重！😭

▲餐廳環境舒適，對正花園，係度歎下午茶幾爽。

前陣子，留意到The Market出咗新嘅榴槤T-Set，仲要以貓山王及紅蝦做主題！聽完立即Book！（本想係佢推出嗰日14/9就食，點知太Full，結果搞到呢排先食到...😅）

呢次呢個T分堂食同外賣版，對我呢種深度重口味人士，當然兩隻都試晒！🤤

✾堂食榴槤飄香下午茶

✦The Market 飄香榴槤下午茶套餐（兩位） HK$678

堂食則有埋鹹味點心，合共有15款美點！真係超豐富耶！😍💕

一般喺出面食T都係有10款點心左右，The Market呢套T-set則有15款，款式多出1/3呢！而且數量多，不代表唔足料或質量低，呢款T不但有原件紅蝦榴槤可試（一般馬來西亞榴槤，每個喺香港賣都要3-500蚊，超貴！），仲任食由D101及D24 榴槤做嘅雪糕，以及聯乘意大利咖啡品牌illy嘅甜品系列等等，啱晒我呢啲為食，又想試多啲嘢嘅人～

✦甜點

包括： 24K榴槤拿破崙、D198金鳳榴槤泡芙配咖啡曲奇脆粒、D197榴槤意大利芝士蛋糕、榴槤斑蘭千層蛋糕、D24榴槤椰子糯米滋、馬拉西亞直送紅蝦榴槤（一件）、烏龍茶啫喱、Forbidden D24 榴槤蛋卷

今次下午茶重點，同外賣版一樣，係餐廳聯乘意大利illy濃縮咖啡品牌，打造嘅「榴槤意大利芝士蛋糕」！堂食版本，仲會用隻illy杯仔裝住，打卡幾靚！上層係朱古力片，內裡則有由手指餅、意大利軟芝士及榴槤慕絲做嘅蛋糕，每食一啖都融匯多重質感，正呀！🤤

另一款我好鍾意嘅係D198金鳳榴槤泡芙配咖啡曲奇脆粒，咬開泡芙入面係香滑嘅榴槤蓉，勁邪惡！

D24榴槤椰子糯米滋，咬開盡是D24榴槤蓉，味道唔錯！

至於原件馬拉西亞直紅蝦榴槤，味道無得輸！平時馬拉係唔出口紅蝦，估唔到唔洗飛，喺呢度可以食到wo，真係止癮一流！

最後我非常推薦就係無限添加嘅榴槤雪糕！用咗D101及D24 榴槤做嘅果蓉，濃郁到無朋友！我直情唔覺得佢係雪糕，濃度好似純榴槤蓉咁！

✦鹹點

包括：血腥瑪莉香辣鮮蝦、蘇格蘭煙三文魚他他多士、西班牙辣肉腸橄欖串、芝士釀意大利青瓜、香脆炸薯球配燒烤醬

鹹點方面無榴槤成分，味道都會偏向冇咁濃烈，個人感覺佢係為咗襯托榴槤甜品而設計。比如香辣鮮蝦個醬汁，偏清新，入面隻生蝦食上口好爽甜、好開胃，可以突顯返甜品嘅甜香味。

辣肉腸橄欖串，橄欖帶有少少甘香同埋香辣嘅肉腸，又係襯甜品嘅好選擇。

▂﹍▂﹍▂﹍▂﹍▂﹍▂﹍▂﹍▂ ▂﹍▂﹍▂﹍▂﹍▂﹍▂﹍▂﹍▂

✾外賣榴槤飄香下午茶

✦飄香榴槤甜品外賣套餐（兩位用）HK$468

包括：馬來西亞貓山王榴槤果肉、D24 榴槤椰子糯米糍、D197榴槤意大利芝士蛋糕配曲奇脆匙、榴槤斑蘭卷配椰子脆脆、抹茶荔枝D24榴槤卷、D197榴槤芝士泡芙、24K榴槤拿破崙、手工花形榴槤曲奇、烏龍茶啫喱、Forbidden D24 榴槤蛋卷、唯港薈自家製榴槤單球雪糕禮券

▲跟堂食版相似，外賣下午茶有D24 榴槤椰子糯米糍及D197榴槤芝士泡芙呢！

▲榴槤斑蘭卷配椰子脆脆，好地道馬來西亞糕點風味！

▲手工花形榴槤曲奇，香脆可口，而家勁靚！打卡一流！

榴槤下午茶外賣版，主要以甜品為主，喺12款甜品之中，重點係用D197榴槤（老樹貓山王）及illy濃縮咖啡做嘅意大利芝士蛋糕！呢款蛋糕有手指餅、意大利軟芝士及榴槤慕絲，多重口感，好豐富。另一款外賣限定嘅榴槤斑蘭卷配椰子脆脆我都好鍾意，斑蘭海綿蛋糕包住榴槤蓉，再加少少椰子碎，幾正！

▲今次有跟Youtube夥伴Timbee拍片，有機會再同大家分享！

▲甜品部主廚Danny好Nice，經常親自出馬招待客人～

▲最後附上下午茶Menu，供大家參考～

★－:+:－:+:－:+:－:+:－★

🎡味道：4

🎠環境：4

🎪服務：4

🕌CP值：3. 5

（*5為最高分）

★－:+:－:+:－:+:－:+:－★

◌ The Market

◌ 尖沙咀科學館道17號唯港薈2樓

★－:+:－:+:－:+:－:+:－★

🎀 記得like埋我，每日放送打卡好去處！📸

www.facebook.com/daydaycheckin

💗ᴿᵉᵃᵈ ᴹᵒʳᵉ

www.instagram.com/daydaycheckin

#TheMarket #hotelICON #唯港薈 #榴槤 #Afternoontea #hktea #下午茶 #閨蜜打卡 #食好西 #輕食 #尖沙咀美食 #尖沙咀 #TsimShaTsui #相機食先 #hongkong #香港 #hkers #hk #hkdessert #hkig #instadaily #852 #hkfoodporn #hkcafe #hkers #hk #foodie #foodiegram #hkfoodie #hkfoodies #hkig #instadaily #hkfoodielogger

成功發佈