餐餐食咁多肉，偶然都想食吓素，比個人reflesh下！😀 近來，香港開咗唔少素食餐廳，確係改變咗我對素食嘅固有觀念。素食不等於「寡」，好似尖沙咀呢間新開嘅小店「齋啡」，菜單選擇多，食材料配搭豐富，食完，連我呢隻食肉獸都表示滿足。 ▲簡單木系擺設，洋溢溫暖氣息。 ▲可愛嘅貓咪照，是店主嘅愛貓？ ▲店內仲有一個大櫃台，客人可入手一系列純素食材。據說，店主Milky係做西餐出身，所以做All Day Breakfast、漢堡、意粉、甜品類西式料理十分拿手。不過，因為身邊多咗朋友食素，而佢又發現覺佢哋出街食飯選擇不多，所以佢就開始研究點以素菜取代肉類，而又不失美味～幫助呢班朋友有好西食～搞搞下，初初係網店，後來因受歡迎就開設埋實體店，成為現時大家所見嘅「齋啡」～ 拿起Menu，我立即點了限量嘅柚子蟹肉及牛油果Bagel（物以罕為貴！🤩），其次就要埋是日精選無花果蛋糕！ ▲柚子蟹肉及牛油果Bagel（限量）HK$68第一次試純素Bagel，但包入面放半隻牛油果，份量好大！🤩另外，佢哋加咗素蟹肉、柚子、蕃茄、青瓜、羽衣甘藍、芝士及生菜，用料超多，食時帶點酸甜口勁，夏天食幾清新，唔錯。每令我意外係隻素蟹肉，食上去一絲絲，比想像中似真蟹肉，但唔會有任何海鮮腥味，成件事好得！不過，羽衣甘藍雖為super food，略嫌質感好硬，夾入Bagel食，好嚡口，破壞咗整體口感，呢點有點扣分。 ▲純素無花果藍莓蛋糕 HK$48始終純素，呢度嘅蛋糕質地較乾，我覺得麻麻地。然而，佢哋揀隻土耳其無花果幾好，入口即化，清清甜甜，再加咗幾片迷迭香係上面，幾夾，散發獨特清香，食時幾開胃。 ▲Dirty HK$48初入口會先嚐到咖啡，隨之係奶香，口感幼滑細緻。呢度咖啡比較Nutty，帶濃濃堅果香，味道唔錯。 ▲Latte HK$40同樣地，咖啡底係比較Nutty。佢哋用燕麥奶取代牛奶，飲上口係無出面飲開嘅Latte奶味咁濃，但尚可接受，唔會令人抗拒。 P.S. 齋啡嘅食物整體都唔錯同量多，加上喺尖沙咀開店，地理位置幾方便，真係OL返工食好西嘅理想選擇呢～謝謝攝影神人幫我影相，太靚了😍★－:+:－:+:－:+:－:+:－★🎡味道：4🎠環境：4🎪服務：4.5🕌CP值：4（*5為最高分）★－:+:－:+:－:+:－:+:－★◌ 齋啡◌ 尖沙咀柯士甸道154-156號花園大廈地下7B號舖★－:+:－:+:－:+:－:+:－★🎀 記得like埋我，每日放送打卡好去處！📸www.facebook.com/daydaycheckin💗ᴿᵉᵃᵈ ᴹᵒʳᵉwww.instagram.com/daydaycheckin
