唔知道大家對食水煙有乜嘢諗法呢？最近我得到一個好特別嘅體驗嘗試左人生中第一次嘅Shisha，感覺都幾好！ 首先要拋下書包先！水煙其實起源印度，後來流傳左去阿拉伯之後成為中東嘅文化，係當地重點嘅社交活動。通常食水煙都會配上咖啡或者各類型嘅茶同水果乾，一路食水煙一路傾偈傾到天南地北，所以千祈唔好以為食水煙係壞過凱婷啊！ 今次去嘅地方位於油尖旺區，佢哋為咗提供顧客私隱度，所以選擇左個旺中帶靜嘅地方。店舖劃分咗分室內同埋室外，室外係露台位置，有啲波波燈點綴下幾有氣氛，我個人就更加鍾意室內地方，裏面提供兩個包廂增加私隱度，裝修風格低中東Vintage feel,用嚟打卡就啱晒！點擊圖片放大 +2 店舖主要提供Shisha服務，佢地用椰子炭配上來自德國同埋俄羅斯嘅煙草，再加上佢哋自家調製嘅多款水果口味，用料一啲都唔馬虎！我哋今次就揀咗佢哋自家調配嘅Peach yogurt口味，作為第一次嘗試嘅我覺得都唔錯，我覺得幾易入口同埋清新，味道屬於香甜帶點薄荷味，我哋坐咗差唔多三個鐘味道依然冇減淡，同行嘅朋友仔都大讚。 店家另外都會提供唔同嘅養生茶同埋冇酒精飲品，另外幫大家問咗如果大家想飲酒嘅話店家都歡迎自己攜帶，店舖嘅員工仲好Nice好有禮貌，作為一個可以慢慢傾偈relax 休閒嘅地方我真心推薦！ 🇭🇰Psycho Shisha Lounge HK香港油麻地🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
