天氣開始有涼意，踏入左好想食熱辣辣野食嘅日子！早兩日食過一間蒸海鮮餐廳，價錢平仲要好多嘢食，推介！ 店舖提供廚師精選套餐，會根據時令海鮮去選擇每日提供八款海鮮嘅餐牌，佢哋定期會喺Facebook公布每日嘅菜單，都幾得意！ 我哋食咗個廚師精選套餐同椒鹽白飯魚，椒鹽白飯魚份量勁多，而且好脆好似食緊薯片咁，避風塘配料亦都好入味，配埋啤酒一定好正！ 之後上嘅係刺身拼盤，老實講平時喺香港我好少食海膽因為試過中伏，但係見到佢咁新鮮都忍唔住，食落口鮮味十足！其他嘅刺身我覺得質量都好好，真心有驚喜！ 講返主菜先！第一樣蒸嘅海鮮係巨大賴尿蝦！賴尿蝦嘅肉質好結實超級鮮甜，竟然有食龍蝦嘅感覺，超好食！點擊圖片放大 貝類海產一啲都唔失色，帶子嘅粉絲好彈牙蒜蓉味好重，肉質有QQ嘅口感，至於蠔大家見到上圖睇到都應該流晒口水，口感滑溜，不過蜆方面就略嫌有少少鹹，但係都依然食到好新鮮嘅感覺！點擊圖片放大 +2 馬友腩肉魚質鮮嫩冇腥味，不過有少少細骨，食嗰陣要留意。 另外一個重點就係佢嘅特大聖子，聖子真心超級好食，肉質啱啱好唔會蒸得太過火，而且入口嗰種鮮味爆發嘅感覺真係不得了！螃蟹都好新鮮，蟹鉗超多肉，蟹肉方面有少少蟹膏食落去勁香，如果配一碗白飯就真係大鑊！ 食到呢度我已經開始飽到上心口，但係仲未完嫁！之後佢竟然仲有蔬菜同蟲草花蒸雞配烏冬！唔好因為佢哋唔係海鮮而睇小佢哋，蔬菜全部都好香甜，口感亦都不錯。點擊圖片放大 最後出場嘅係南瓜海鮮粥！佢結合左所有蒸過嘅食材嘅鮮味同埋蟹蓋喺鍋底燉煮而成，大家可想而知嗰個鮮味到底有幾誇張！我最後都食唔晒攬住個肚腩走真係不得了！呢間餐廳我真心推薦比大家，因為價錢我覺得好合理之餘仲啱晒鍾意每樣都試少少嘅大家，有興趣嘅話記得book枱食阿！🇭🇰小漁港海鮮舫香港太子荔枝角道127-133號地下🇭🇰大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
