上個星期朋友生日，食咗間質素唔錯嘅西餐，用咗網上預約嘅優惠之後又係半價就可以食到超抵食！今次間餐廳位於觀塘碼頭附近屬於工業區，放工時間都幾多人架！不過間舖頭似乎冇乜人知，所以都坐得好舒服。其實呢間舖頭係屬於一間車店嘅Cafe，所以佢唔係好大間，店舖裏面都有啲汽車嘅相可以欣賞下架！餐牌上面都冇特地寫明會供應酒精飲品，如果想飲酒既朋友可能就要問吓職員有冇啦。我哋叫咗芝士蟹肉釀大啡菇，紐西蘭牛扒同埋鮮蝦配蟹肉意大利飯，呢三樣嘢食都係意外驚喜之選！首先係大啡菇超級Juicy，而且蟹肉亦都好多，每一啖都好滿足架。另外牛扒我哋叫咗七成熟，食到有焦香既味道，啲肉都保持住粉紅色澤，至於意大利飯我哋都好滿意，佢哋嘅烹調方式令到意大利飯有口感之餘但唔會太硬，大蝦亦都燒到好香，我哋都十分推薦㗎！如果要講缺點嘅話，我就會覺得份量係屬於偏小嘅，但係我哋預約嗰陣佢做咗半價嘅優惠，所以我哋覺得都可以接受，大家有興趣都可以試吓架 ！ 🇭🇰 Bentley's Cafe香港觀塘偉業街213號健生廣場地下2-3號舖🇭🇰 大家記得留意同埋follow我嘅IG Channel:Danacaneat有任何最新資訊都會喺度update 㗎!歡迎接受任何試食試用邀請
