今日分享一個幾有趣的哂相電話APPS - Printic，可以安坐家中都可以哂到相，只要透過Printic upload照片和寫下心情，約3-5天後便有實物相片寄到你家中，啱哂中意影相，但又唔得閒拎出街哂相的人～～～ Printic在歐美國家都幾流行架，而家出左中文版，香港既朋友仔都可以收到Printic哂出來的相～ 哂出來相片的Size是寶麗來相片尺吋，還可以製作月曆，完全個人化！ 價錢最便宜一張約＄3.5，就看看你所選的Package，而Printic是以「普幣」來計算的。 玩法都幾容易， 我用的是iphone，好似平時咁選相片便可以～ P.S. 原來一次過可選幾張架，我第一次玩唔知每次只按一張去哂，浪費了好多普幣．．． 每一張相片都可以加字說明（中、英均可，但表情符號不能）、選字形和顏色，也可調整相片大小，和選擇購買數量。 另外可以自由加張留言頁，如送比朋友就可以加這一頁，但我哂比自己就可以省去．．． 我加了一張，這也因為第一次玩，也浪費了一個普幣我覺得有點不值＞＜ 選好後便可按付款頁面，如果本身有普幣便會直接扣普幣的。 要注意：如果買１張相＋１張留言頁是要３個普幣的，寄來的信封連郵費都計算普幣的。 按經驗還是一次過選幾張相＋郵寄信封會比較化算和實際，除非送朋友。 完成後還可以於Facebook上share，但我整唔到，唔知個Apps有問題定我唔識整．．． 上一步可以選地址的，所以無論寄比自己，或者想比朋友驚喜都可以！ 之前因為農曆新年有優惠CODE試玩，所以我可以整多一套Printic照片XD 不過有時玩玩下會有error，都唔知「衰乜」，所以唔多熟識的我按了幾次才明白選相程序．．．．．． 當相片經Printic確認後，好快會收到Printic的Email說明訂單內容。 大約幾日後Printic會寄信件到你府上，寄來的信封好普通（白色一個），拆開才知是Printic寄來，有個好Sharp的橙色信封入住架！ 我分開了三封信（即三個訂單），一共用了８個普幣哂了３張相＋１張留言咭，相片是以相紙沖哂，寶麗來Size，有少少驚喜是字型在apps裏看不是這麼CUTE，但出來的字很可愛，但質素不是想像中般清晰，可能三張相都是在Facebook裏Download下來，所以起格仔（？） 但收到相片一刻還是好開心！ 分享我的相片啦～ 皮皮上月去草苺園的相片，我好喜歡這一張，皮皮好開心，他真的好喜歡吃士多啤梨！ 重溫BLOG: [皮皮] 郊遊樂．錦田士多啤梨園 http://daidaipipi.blogspot.hk/2014/01/blog-post_29.html 另留言頁的一張有點失望，其實都係相紙來，記住下次還是省下這張．．．（除送朋友） 另一幀照片我也是超LOVE！一家三口在Snap HK的合照～ 重溫BLOG: 一家人齊齊開心影餐飽! @SNAP HK 全港最chur自拍體驗館 http://daidaipipi.blogspot.hk/2014/01/snap-hk-chur.html 在那裏拍了百多張照片，但懶得哂，透過Printic哂相真的好方便！ 最後一張記錄了皮皮第一次爬鋼架的經歷，透過Printic把一點重要時刻沖哂出來，留住生活千樣好～ 最後我把Printic哂出來的照片放在家中的相架裏，看到孩子的成長和生活樂事，無論在什麼情況下，心情也會變得開朗和甜甜的＞Ｖ＜ 是次體驗由Printic提供。 關於daidai ＆ pipi： 博客： Blogspot ． MyBB.com.hk星級Blogger Beauty Exchange ． she.com ． elle ． WeShare ． ubeauty ． 88db 媽媽專欄: shemom．雙職媽媽daidai Guest-writer Email: yuijoan@gmail.com Facebook： http://www.facebook.com/joan.cheng Fanspage：https://www.facebook.com/daidaipipi 新浪微博：http://weibo.com/daidaipipi follow me on instagram: search: daidaipipi http://instagram.com/daidaipipi/ Daidai ＆ pipi 的快樂魔法 宣傳你的專頁
