買了這瓶 Pixel Power PPC Cream 差不多兩個月我才有時間分享我的瘦腿秘密！我真是想寫好耐架啦．．．蛇年開始我終於可以在公司「蛇王」，年頭我要寫多些文為各位小讀者貢獻下，因為，我最中意叫人敗家，我絶對是個敗家精嘛～～嘻嘻＞＜

癈話少講，今集想講下這瓶 Pixel Power PPC Cream 有幾勁！我是從「敗家媽咪團」的媽媽朋友介紹下知道這瓶消脂 Cream ，她說好得，我又極想減肥，但耐何得個「講」字，永遠都冇心機＋冇時間做運動，做媽媽好忙的，返工已經夠累，放工的時間比哂個仔，我仲要多個興趣是寫 BLOG ，我都唔明時間點變出來？！？！全日只有一個時間是自己的，就是我的 shower time ，可以給我在厠所坐返幾個字已經好好，所以每次 shower 完，我都會塗這瓶消脂 Cream ！

（實在太多癈話）

怎用呢？好簡單，個人認為沖完澡用效果最 work ，因為消脂 Cream 會發熱， shower 完又全身 ‘ 慶恰恰 ’ ，我會塗在肚腩、「車吠」、大腿等中央肥胖區，用的份量不多，比 body lotion 還要少，第一下塗沒感覺，點知分零鐘後，幣！好熱呀～！辣到跳舞～～！～！～！皮膚會有點微紅，好熱，一點痕，但好爽，感覺好 work ，我的脂肪在燃燒呀！之後著埋衫焗住，仲熱仲燒！希望燒哂所有肥膏～！～！

燃燒的感覺大約Keep到半小時左右，之後BURN的感覺會慢慢消失~~

大腿比肚腩燒得勁 D ，可能肚腩太多太多肉，感覺不算太大，至於燃燒感覺，為左瘦，我可以忍，頂唔順可以沖涼，但相信冇咩用，因為都辣到入肉，只要用多幾日便習慣～～

另外熱辣辣的關係，就算得果十零度氣溫，你在浴室光脫脫塗全身都不會感到冷，保暖 OK 架！

朋友提示我塗完消脂 Cream 不要摸ＢＢ，又真的，因為就算洗了手，手掌仍是發 ‘ 慶 ’ ，手指隙都燒的，還有我曾塗到膝蓋內側，建議唔好衰多手塗到冇肉的位置，因為骨位會燒到痛的，小心小心．．．

又曾試過塗完消脂 Cream 走去塗面霜，雖然洗左手，但都係會間接辣親皮膚的，有天我這樣塗了，老公見到問：「嘩！做咩你塊面紅哂？發燒？」，哈哈， NO AR ～你話消脂 Cream 係咪好燒得呢？我未試過用來瘦面，我怕太辣令面皮薄的我敏感，還是不敢住，少少已經面紅紅了．．．．．．

最初的兩星期感覺大腿收得最好的，好快已見雙腿沒之前胖，小腿則除去水腫，肚腩沒有任何進展，腰間的車吠三天已感消去肥肉！我沒有量度減前減後的尺吋，有上磅磅重，用了一個月少了三磅，期間是零運動的！

我已連續塗了大約兩個月，現在塗沒之前塗般顯著，但都有努力每晚洗澡後使用，用了一段日子，除了瘦左少少外，皮膚比之前白滑，消脂 Cream塗開呈金黃色的，在光線拆射下會見到皮膚有點閃亮光芒，我肚皮上的妊娠紋到個仔都兩歲都未完全清走，但塗了這消脂 Cream見肚紋比之前淡色好多，皮膚真的靚左呀！

最高興年初一拿回生仔前的牛仔褲著，我已經三年都沒穿過這條Levis（大肚一年，仔出世後兩年，total三年=_=''），今年我終於穿得下了！之前是褲子上到雙痺中間不能再穿，而家條腿瘦了！可以穿牛仔褲，仲有少少鬆，哈哈！

另外想介紹這支泉發純釀蜂蜜醋～

泉發純釀蜂蜜醋在台灣製造，據說勤力飲用可消脂、淨化腸胃～不過我沒有勤力飲，只在星期六、日早上有空才喝，因為星期一至五我超趕出門口返工，唔得閒拿支醋來喝．．．

蜂蜜醋的氣味．．．其實我覺得不太好，醋有點「確」喉，如加入蜜糖會好喝一點，由於我沒有每天喝，所以感受不到其減肥威力，有少少浪費，因早上空肚喝最好，可助你清除身體毒素～我覺得它清腸都幾掂，因早上喝了，好快便有便意，去得特別舒暢，不是肚疴那款啊，便便是正常的，但稍軟一點，暢通無阻，爽哂！

泉發純釀蜂蜜醋連同 Pixel Power PPC Cream一同購買的，在一網店C-dou購入，兩件產品加起來$850，是聖誕時的優惠套裝，現在應該沒有了～我覺得價錢OK呀，PPC Cream一盒可以用很久，我想大約三個月吧，曾在yahoo拍賣看過一盒最平$700/250ml，今次連埋支醋都是$850，真的說，幾百元減到肥真是唔錯唔錯，仲要盒Cream大大盒有排用！如果用哂的話我會再翻兜，希望夏天時冇左個肚腩，著返件泳衣去游水都好丫！嘻嘻～～

今次是純粹分享，想找貨品在哪裏售自己search 啦～～～

祝：蛇腰再現！

關於daidai ＆ pipi：

博客：

http://daidaipipi.blogspot.hk/

http://blog.yahoo.com/daidaipipi/articles/page/1

http://blogazine.beautyexchange.com.hk/?uid-24349

https://blog.ulifestyle.com.hk/blogger/daidaipipi/

http://blog.she.com/daidaipipi

http://blog.hk.88db.com/?author=31

Email: yuijoan@gmail.com

Facebook專頁： http://www.facebook.com/joan.cheng

新浪微博：http://weibo.com/daidaipipi

Instagram：daidaipipi

Pick：http://naver.jp/daidaipipi

成功發佈