Waaaaaa!

見到呢條30呎變色龍長滑梯都超開心興奮！

（雖然唔係我玩）

今年暑假，「We嘩! 充氣嘉年華」又黎啦！地點係奧海城，以「恐龍」做主題～「嘩！」小朋友們玩得好開心！

在暑假舉辦的「We嘩！」於7月25日至8月3日舉行，我們在剛過去的星期日來了這兒玩！真係好多人呀～！不過各位大人小朋友都好有秩序咁排隊，我地仲遇到恐龍BB～阿皮好開心，哈哈！

因為掛住玩，我地唔記得影低塊活動版比大家睇下全場玩乜⋯⋯

但皮皮玩齊所有Game，玩左成個下午，精力旺盛！

首先來跳下彈床～「恐龍遊樂園」

爸爸幫皮皮影左好多靚相，皮皮張張都笑，我感到好難選相，張張笑臉都想放上Blog內～～～

皮皮玩左2次「恐龍遊樂園」，超好彈！這個必玩！

細少少既寶寶都可以來彈彈跳，呢度有哥哥姐姐照顧小朋友，爸媽可以放心在旁拍照～

少少貼示，記住著襪仔，有些遊戲要除鞋的，保持衛生～

不過如忘記帶襪仔，在場都有售架！

彈完！玩d文靜少少的～

「We嘩!造型流沙」是環保造型流沙，無致敏源，沙不黏手，又有各種沙模吸吸，小朋友們都玩得很投入！

這遊戲可以親子一下，溫馨溫馨～～～

「We嘩!抓抓樂」

小朋友入了一個大充氣機裡面，一吹氣，氣球便到處飛！

要眼明手快，抓住波波，都唔容易架！

玩完有禮物收！YEAH！

咁神勇既背影係邊個？？？

「智勇神槍手」皮皮是也～！每次有3粒子彈比你射恐龍牙齒上的細菌～

皮皮3粒都中！玩完姐姐會送小禮物架！

「We嘩！藝術廊」

這個是親子活動，爸媽可陪小朋友一齊整下小擺設，皮皮都很用心整～

仲有阿皮仔近排D表情越來越誇張！叫佢笑下佢就「嘩」比你睇。。。

在皮皮的努力與媽媽的協助下，完成了一個蝸牛筆筒，靚嗎？全部都係阿皮貼上去的！

跟住去騎恐龍！皮皮好威風呀！

每次只可坐一個小朋友，但這個遊戲極受歡迎，足足等了一句鐘呀！辛苦爸爸了～

皮皮是個恐龍迷，勁中意恐龍，晚晚都睇《恐龍大全》那本圖書，很多恐龍的名字都認識！

跟著來到「變色龍世界」！

有成30呎長的滑梯，非常刺激！

爸爸特登上到商場1樓影下來～～～

HELLO~~~見唔見到我和皮皮呀？？？

我地在人群中呀！

在地下等的家長看不到變色龍入面既情況，皮皮在玩時我聽到佢尖叫，超刺激！

有件好笑的事。。。

皮皮是最後一個出來的小朋友，佢一出來即刻同我講：「媽咪，我好驚，滑梯好高好長。。。」

笑到我肚痛，又要驚！又要玩！膽小的皮皮！！！

今次「We嘩！」特別的一個環節，就係有「暴龍BB出巡」！

我地遇到2次暴龍BB，皮皮真係勁開心，不停追著暴龍！

謝謝公關姐姐安排，第二次見暴龍是跟暴龍親密接觸和玩遊戲～～～

個個小朋友都好心急等暴龍出來，有冇呀？出來未呀？

嘩！！！！！！！

出來啦～～～～～

之後各位小朋友同家長可以一齊玩「暴龍捉雞仔」！！！

小朋友們和爸爸媽媽都玩得好投入，真係好驚暴龍會捉走D小朋友呀！

離別前跟恐龍合照～～～

皮皮沒有一張照片望鏡頭，張張都望住隻暴龍傻笑，十分傾情@o@～～～～

收到風，下次「We嘩！」會在9月於愉景灣舉行！

更加近我地屋企呀！

記得留意「We嘩! 充氣嘉年華」Facebook Page:

http://www.facebook.com/WeWaLand

下次一定再去玩！！！

謝謝「We嘩! 充氣嘉年華」邀請我們來這活動，真係超級好玩呀！！！

相關BLOG：

暑假好玩！@ 與龍同行「We嘩! 充氣嘉年華@奧海城」

http://daidaipipi.blogspot.hk/2014/07/we.html

[皮皮] 超開心! 超興奮! @ We嘩!充氣嘉年華玩 KCP 2014

http://daidaipipi.blogspot.hk/2014/04/we-kcp-2014.html

復活節活動推介比各位daddy mammy~~~「We嘩! 充氣嘉年華」

http://daidaipipi.blogspot.hk/2014/04/daddy-mammywe.html

關於daidai ＆ pipi：

博客：

Blogspot ． MyBB.com.hk星級Blogger

Beauty Exchange ． she.co m ． elle ． WeShare ． ubeauty ． 88db

媽媽專欄:

shemom．雙職媽媽daidai Guest-writer

Email: yuijoan@gmail.com
Facebook： http://www.facebook.com/joan.cheng
Fanspage：https://www.facebook.com/daidaipipi
新浪微博：http://weibo.com/daidaipipi

follow me on instagram:

search: daidaipipi

http://instagram.com/daidaipipi/

Daidai ＆ pipi 的快樂魔法

宣傳你的專頁

成功發佈