今日友人帶左我黎呢間位於尖咀北海道爐端燒居酒屋食晚飯。 格局佈置都非常日式，另一邊都有居酒屋必有似包廂隱密度高嘅座位。 西班牙特飲 白酒$48 飲落唔甜，感覺加左檸檬及西柚嘅味道。 另一杯朝採梅酒加冰$38 第二round 要左杯黑加侖子燒酒梳打 $48 提子感覺似無甘甜嘅利賓納、加上燒酒同梳打水幾好飲。 招牌酥脆雞塊 $62 一碟有5-6塊，超大一塊。 炸雞肉咬落juicy 嫰滑。 明太子牛油燒烏賊鬚 $58 魷魚鬚唔會燒得好乾。 牛油醬油鱈白子 $88 即鱈魚精巢，含豐富蛋白質。 食落帶魚肉嘅口感，無腥味。 精選刺身併盤 $178 (油甘魚、三文魚腩、八爪魚、吞拿魚） 三文魚腩超肥美，吞拿魚同油甘魚都鮮味。 日本產甜牡蠣 $58/1 日產嘅生蠔特別鮮甜肉厚，海水咸味無甘重。 三文魚籽丼 $128 三文魚籽、蛋絲、紫菜 略嫌三文魚籽不夠澎湃。 明太子雞蛋卷 $68 對於明太子控嘅我超滿意呢個蛋卷。 每份蛋卷都滿滿明太子，咬落蛋汁同明太子咸香融合，十分滿足。 呢道氣氛同食物質素都唔錯，但要注意有限時還桌時間。 ============================================================================== 北海道爐端燒 尖沙咀亞士厘道27號捷利商業大廈3樓 24992217 12:00 - 15:00 18:00 - 23:00
