之前都提及過想去大棠睇紅葉.上星期日終於等到啲葉轉紅啦!!! FW訓到自然醒食埋個Tea先出發gogogo,搭西鐵去到元朗站諗住問職員邊個出口,點知已經貼左呢張野(應該係太多白痴好似我地咁XD)↓ 之後搭多一個站去到朗屏站B1出口搵K66巴士.大棠山道落車後沿住大馬路一直上.會見保良局大棠渡假村.當到咗大欖郊野公園入口,就會見到樓梯同呢個指示牌↓ 沿住樓梯上會見到BBQ場.洗手間同小食亭.建議大家喺呢到去埋洗手間同買好飲品先好出發呀(上山之後就無洗手間同小食亭) 好不幸地我地行到呢到.開始落雨.我地又無拎遮(失敗!!)之後衝左入個亭避下雨.等無咁大先繼續行.沿路上山一直都落毛毛雨同天陰陰,好驚上到去落更加大同天黑(當時已經4點幾....)行左半個鐘左右就到啦...好彩上到去無落雨,天仲光=) 其實唔算有太多紅葉.加上落過雨.地上紅葉都已經變成溶溶爛爛↓ 見到前面對情侶加個境都想幫佢影番張(如果對情侶睇到呢編Blog記得拎番張相=p)↓ 落山既時侯已經黃昏↓ 落到BBQ場已經天黑嚕↓ 所以建議大家唔好好似我地咁,咁晏先上去!走既時侯可以喺大棠荔枝山莊門口搭反K66出番朗屏站↓ _____________________________________________________ 歡迎大家Follow F先生和W小姐的IG看更多我們日常的小分享: F.AND.W
