早前係第一篇blog上分享左使用大阪交通時既心得 今次會詳細講解一下day2入面我利用左大阪周遊卡去左邊到 第一站就去大阪城 由森ノ宮站落車沿途有指示牌 沿著指示牌行就會見到有幾塊大石為中心既廣場 左手邊有便利店,可以買d野飲行著慢慢飲 到達天守閣前可以到豐國神社行一行 由豐國神社對著既出口一出就係天守閣點擊圖片放大 +2 天守閣既入口會有有人指示 只要嘟一嘟大阪周遊卡既code就可以入場 如果想影到靚相就要留意 天守閣入口對出其實有好好好多遊客 首先可以係到簡單影幾張近既 到參觀完天守閣入往右邊行就有條小徑 一路行就會見到有個湖景 呢個位置相對少人亦可以影到整個天守閣 跟著就可以順便去埋西之丸 都係要出示one day pass入場或者比錢 一入到去其實人好少 可以好好享受一大片草地 門口亦有提供可以影相既紙傘 離開左西之丸就出發去梅田食野購物 丸福呢個pancake 好好食 十分鬆軟,配合佢地既果醬一流 食完野跟著就行去hep five行街 呢個商場都幾岩後生行 有好多衫同品牌賣 行到咁上下就可以坐hep five既摩天輪 hep five既摩天輪都係嘟周遊卡既code就可以坐 貼心既地方係佢唔會要你同其他陌生人坐 就算兩個人都可以獨坐一卡 最後係hep five入面食左個蛋包飯 我估係連鎖式既餐廳 水準亦都唔太好 如果想睇番有關大阪交通既心得可以睇番 初遊大阪/新手大阪交通說明 https://blog.ulifestyle.com.hk/blogger/crispycookie/?p=3064312 想知道我既blog 最新消息亦都可以follow我既instgram crispy.cookie.store
