近日,係Facebook 成日見到好多post share 一間人氣小店 "九旯" post入面推介抹茶糯米滋包住粒麥提莎"麥滋",葛餅 "麥滋"既圖就好似好正咁,把心一橫就去試下 點知連續兩日去買都買唔到"麥滋" 因為一日係星期二佢無做,一日就賣哂... 如果想去試"麥滋"既朋友要注意下 "麥滋"只會係星期三,五,日1點後提供仲要係限量發售 好似我咁, 大慨兩點去到就已經賣哂 而去到個日,有食客好似我咁拎住電話睇到post去食 亦都有專業既人為九旯影相試食,相信亦都係食評推薦 見到咁值得推介所以無想食既"麥滋"都照買左葛餅同兩杯野飲黎試 點擊圖片放大 以下落黎既評價都係我個人既口味 口味係好個人既 未必我中意既你會中意,我唔中意既你都可能會覺得好味 首先係葛餅,葛餅既味道係正常既 我覺得佢提供比客自已落既煉奶同黑糖水, 煉奶落多d會好食d 但唔知係咪因為黃豆粉既關係 即使我係兩個人食一份到尾段都會覺得有膩既感覺 如果要係葛餅同黃豆粉撈糯米滋(京都既金閣寺手信既店鋪有得買同試食)兩選其一 我會毫不猶疑咁揀後者, 因為我比較中意有咬口d既感覺 不過葛餅都幾特別,你可以幾個朋友買一份齊齊share 但係!!!!我認為我叫既兩杯飲品就真係有待改進啦!!!! 叫左既兩杯飲分別係抹茶牛奶同泡沫咖啡(我就無飲到) 價格都30蚊左右,唔係話平但都唔係話貴既 不過平日我都好中意抹茶牛奶,自然心裡會有小小既期待 可惜既係九旯既抹茶牛奶真係未到水準 坦白講我會以「難飲」黎形容,不過係善意既批評 希望如果有機會佢地睇到都可以改善下個味道 係一般既連鎖式coffee shop既抹茶牛奶都會偏甜未必好香但都有抹茶味 同我好中意未飲到未攪溶既粉未 (唔知有無人都有呢個喜好 不過九旯既抹茶牛奶就好淡好淡好淡 無甜味亦都無抹茶味,就好似飲一杯加左水既牛奶.. 咁可能抹茶粉方面要留意下同埋唔好沖到咁淡 同行既人仲有我既男朋友,佢都認為泡沬咖啡既情況都一樣淡而無味 係飲品上九旯都需要再花多d心機 不過值得一贊既係九旯既員工/老闆(我唔知佢地咩身份) 佢地既服務都十分之好,整個購買過程都相當有禮貌 無論當"麥滋"售罄同個日無得賣都好 都有態度好好咁講句唔好意思,有顧到顧客既感受 我認為呢一點好重要既 余安安都係杜民澤節目都講過 「一間食物水準普通既餐廳只要服務好,都會番去食 如果差,就算好食都唔會再幫襯」 所以希望下次有機會就可以買到"麥滋"黎試同埋佢地飲品都可以有所進步 本地既鋪頭都要一齊努~力~ 九旯地址:深水埗西九龍中心8樓 如果搭兩部電梯個邊,一出電梯右手邊個鋪位就係 (右手係溜冰場個邊) 如果中意睇我既文章可以到我既ig: crispy.cookie.store 到follow我 一有update到個blog我就會係個到提大家黎睇
