咁樣嘅創意禮物邊個捨得掉？邊個又會敢用…… 係呢個資源豐富，商品琳瑯滿目嘅世代，單係擁有物品已經唔稀奇，需要嚟ｄ特別嘅，先可以引起共鳴。以下嘅產品一定令你睇到嘩嘩聲…… 1. 啪啪紙，氣泡布服裝 用常見嘅布料嚟做衫已經唔稀奇啦，想要成為今年最受矚目、最受人氣嘅人？著上呢件啪啪紙服裝就啱哂啦！包保你成功搭訕路人、吸引大家嘅目光。想戳氣泡當釋放壓力嘅人，肯定會撲向你度！另外，都好適合當新型輕便雨衣，潮潮嘅造型適合買一件送俾朋友當創意禮物。 (Picture from Prezzybox ) 2. 有型運動襪 鞋櫃總係少一對鞋？又budget買新鞋？咁就買呢種運動襪過下癮喇！無論係帆布鞋、慢跑鞋、涼鞋等，款式應有盡有，包你滿意。 (Picture from Prezzybox ) 3. 偽思考帽？ 總係有好多idea，又無人能聽你訴說？買頂帽等大家都知道你有源源不絕嘅想法啦！發光嘅燈泡必定可以令你成為大家嘅焦點，當創意禮物拿嚟送給多鬼主意嘅朋友都好適合不過嫁。 (Picture from Prezzybox ) 4. 生日變忌日？閂唔到嘅音樂卡…… 由Nick Peterson一行人創作嘅惡作劇音樂生日卡，係等收到生日卡嘅人，噤咗「press」制之後，就再無辦法令音樂停止。要閂咗佢嘅方法就係將卡片徹徹底底咁破壞佢，例如：用雙腳大力嘅踩爛佢，或係拿鐵槌整爛播放器，該團隊為咗整呢張堅固嘅音樂卡，仲研發咗兩年，所以普通咁浸水或係揉爛，都係無法令音樂暫停嫁！（笑） 5. 訂造禮品都可以有呢種惡趣味啊…… 好多廠商以獨特造型或概念，運用係禮品上。舉下圖嚟講，大便造型嘅行李牌，雖然怪異，但似乎都向覬覦自己行李嘅人宣告：「唔！要！搞！我！D！嘢！」以同樣嘅概念應該都可以發展出唔少訂造禮品掛。 睇左呢D咁無厘頭嘅創意商品，心情都莫名跟著輕鬆哂，咁都係要感謝發明呢D商品嘅人，為生活帶嚟好多樂趣啊！
