薑係廣東三寶之一，可以驅寒祛濕、行氣活血。古時有薑湯治感冒🤧 嘅說法，每次要感冒嘅時候喝碗薑湯，即刻見效。對於食慾唔好嘅人，飯前食幾片薑，亦可以刺激唾液、胃液同消化液嘅分泌，增加胃腸蠕動，增進食慾。另外，生薑配埋檸檬🍋一齊沖水，再加啲蜂蜜🍯調味，唔單止味道清新，仲會有著增強食慾、溫補身體嘅作用💪。傳統上每逢屋企有新生命👶來臨，都會煲一大煲「薑醋」（又名「豬腳薑」），佢食味獨特，煮嘅時候成間屋都有一陣陣香氣，當有親戚嚟探訪，拎一碗出嚟，個個都讚好食，同時都會送畀親朋戚友，分甘同味之時，仲可以分享嗰份喜悅。而「薑醋」係用甜醋同豬腳一齊煲，利用甜醋將豬腳骨嘅鈣質溶解，既補充鈣質，又營養豐富，所以一直以嚟好多人都會用佢嚟做孕婦產後補身嘅佳品。佢可以補氣血、驅風寒、有利於養身催奶，有益母嬰健康同美容養顏。對於體質偏寒嘅人都啱食，但當然對體質偏燥熱嘅人，尤其係夏天就不適宜食太多喇。而對女性朋友嚟講，「薑醋」一年四季都可以食，唔單止味美醇厚，食完就好似飲完杯靚酒🍷，臉色紅潤，尤其係秋冬同春季，天氣較寒涼嘅季節、月經後調理身體或者產後食用都特別舒服，係真正嘅「女士之寶」。煲透嘅薑爽脆而唔太辣，豬腳皮軟但係又唔膩，香甜而唔酸，反覆煲佢，味道仲會越來越濃厚。但係而家「薑醋」都唔一定要喺添丁嘅時候先食到，中式茶樓都會將佢當做點心提供，今日就同大家 分享「女士之寶」嘅烹煮方法啦！「女士之寶」- 豬腳薑材料 新鮮豬手 一對 子薑 四斤 八珍甜醋 五公升黑糯米醋 一樽雞蛋 30隻 做法 1. 子薑用小刀刮皮，稍拍扁。 2. 用白鑊將子薑烘乾。 3. 將豬手切成小件，汆水備用。 4. 將醋煮滾後，放入所有材料。 5. 再煮滾後，轉細火烹煮一小時，關火燜焗2-3小時。 6. 重複 「第5點」 程序2-3次，或煮至豬腳軟綿而子薑入味即可。 溫馨提示 • 以上為8-10人份量。 • 子薑拍扁能更容易入味。
