▼係香港個陣，偶爾都會去Starbucks買件最愛嘅New York Cheese Cake獎勵一下自己。而係澳洲Working Holiday嘅時侯我就會來到「SAN CHURRO」。 SAN CHURROS係澳洲有好多分店，主打朱古力飲料外，同時亦有各種雪糕，蛋糕，沙冰等等選擇。 ▼個人覺得普通朱古力有陣「膠味」，所以一直唔係特別鍾意。不過SAN CHURROS嘅朱古力就令人一試難忘啦。唔苦澀，無膠味，而且非常香滑。價錢大約＄7澳紙一杯。 ▼另外呢度嘅「Churros」亦都相當吸引，仲可以配搭6種唔同醬料同水果進食。不過價錢就比較貴，普通三條Churros跟朱古力醬就已經要＄9澳紙，對於貧苦打工仔黎講算係相當貴。不過下午茶時段會有特價，好似6條Churros配兩個醬就只要＄15澳紙（原價＄20.95澳紙)。 ▼而唔少得嘅當然係我最愛嘅Cheese Cake啦！呢度嘅「New York Cheese Cake」唔係一般嘅三角蛋糕形，而係塔形。上碟個陣仲會配搭新鮮手打忌廉，入口滑溜，不過對於喜好濃濃芝味嘅我，呢個就稍嫌未夠「芝」，不過亦可以一試。 ▼反而另一款「SALTED CARAMEL CHEESECAKE」就有驚喜，個人覺得芝味比New York Cheese Cake更濃。而且入口細滑，加埋旁邊嘅牛油餅皮簡直一絕。 除咗以上提到嘅之外，其實佢仲有不同嘅奶昔，雪糕等等可以選擇，全部味道都不俗。 重點係，當你係澳洲慳慳埋埋，辛辛苦苦返完一日工，可以食到呢件CheeseCake黎獎勵一下自己，就會覺得所有辛苦都係值得的XD 強力推介俾去澳洲旅行嘅朋友，相信可以成為你地其中一個對澳洲嘅回憶。（我已經開始懷念了） 【 Facebook專頁】 當Cony遇上Brown 【Instagram 】 cony_luv_brown
