小JM為食已經係事實，不過呢個為食嘅小朋友對食都有一定嘅要求。 呢排小JM突然愛上食卷蛋，仲同我講話要食紫薯味、綠茶味添。 係鋪頭的確有見過綠茶卷蛋，都多配以紅豆為主，而且價錢都唔算平。 重點係小JM試過，但唔啱食。 為咗可以實現小JM嘅現望，當媽嘅願意一試，挑戰整卷蛋是也！ 宇治抹茶紫薯卷蛋 材料: 宇治抹茶蛋糕: 日本宇治抹茶粉 8-10g 低筋麵粉 60g 砂糖A 25g 砂糖B 30g 蛋黃 3隻 蛋白 3隻 豆奶 30ml 紫薯蓉餡料: 豆奶 40ml 日本紫薯 一條約70-80g 做法: 紫薯蓉餡料: 1.) 先將紫薯洗淨並隔水蒸熟 2.) 將蒸熟嘅紫薯取出去皮，並加入豆奶以叉壓成紫薯蓉即成。 小分享： 如果想細滑啲可以用攪拌器幫手， 而我今次就用咗叉做工具，將紫著壓成蓉 紫薯本身都已帶一定甜度，所以我並無加入砂糖 如果想甜度多啲，可以按個人喜好加入砂糖與豆奶一同攪伴。 宇治抹茶蛋糕: 1.) 先將蛋黃及砂糖A 25g攪拌混和，備用。 ^變成淡黃色就okay喔! 2.) 將蛋白置入廚師機中，以打蛋模式攪拌 同時將砂糖B 30g 分3次加入蛋白中，打至企身即成 *美的廚師機用打蛋器開速度7* 3.) 將打好嘅蛋白分為兩份 先將一半蛋白加入蛋黃漿之內，並用刮刀以Cut & Fold方法混和 4.) 再將剩餘嘅蛋白加入蛋黃漿內，輕輕攪伴，備用。 點擊圖片放大 +2 5.) 將已加入蛋白嘅蛋黃漿與低筋麵粉、豆奶及日本宇治抹茶粉以Cut & Fold方法混和。 6.) 將已經混和好嘅日本宇治抹茶蛋糊倒入預先預備好嘅焗盤再放進已預熱嘅焗爐內 將焗爐預焗預熱至200度，並焗20分鐘。 Remarks： 唔同爐焗焗嘅時間及溫度都有唔同喔 焗到表面微蕉就好了 7.) 出爐囉!抹茶蛋糕底完成。 將抹茶蛋糕取出反轉，並撕走牛油紙，備用。 8.) 取出紫薯蓉餡料，並塗抹於抹茶蛋糕面。 則邊位置唔好塗太多，以免卷起時漏出餡料，可於中心位置厚塗餡料喔。 9.) 以牛油紙將抹茶紫薯卷蛋慢慢卷起以成形。 再包上保鮮紙並雪藏30分鐘以定形。 10.) 抹茶紫薯卷蛋定形後取出，切成小件即成。 為食係有樣睇，想話影張相都難～！ 食為先！
