無印良品嘅護膚及化妝品, 可能未必好多人會用~ 不過佢嘅美容護膚小物, 原來有好多都好OK~可能係我太後知後覺?哈哈~ 其實我因為工作關係對無印良品哩個品牌都有少少認識~ 知道佢對生產過程及品質監控真係好嚴! 咁對於我哩D偏向生產商嘅立場黎講就當然做得好辛苦啦... 不過正因為佢品質監管嚴格, 消費者先可以用得安心又放心! 早前MUJI嘅FAMILY SALE好平, 就乘機買左佢少少產品試用, 全部都好OK喎! 喺度同大家分享下丫~ 買左幾樣野, 最中意就係哩個洗甲水!($48/支) 最最中意係佢陣味, 佢完全唔攻鼻, 仲散發陣陣橙味~ 平時洗甲最憎個陣酒精味, 用佢就完全冇問題~~ 而且佢用量少, 一塊COTTON就可以卸曬10隻指甲啦~一樽可以有排用! 已入定貨2支 COTTON PUFF($20/包, 60塊) 薄身大大塊嘅COTTON, 最適合用黎濕FU~ 佢好結實唔會散開, 浸透力唔錯~ 4塊壓成1塊, 每次我會搣2塊黎用, 變相1包60塊可以用120次~抵呀! 真係好大塊~~ 獨立包裝棉花棒($18/包, 50支) 香港好似唔多地方有賣哩種獨立包裝嘅棉花棒...? MUJI哩款係一邊棉花棒一邊耳挖~好貼心呀~啱曬我哩D成日都要出差嘅人用~~ 我習慣用棉花棒挖面霜黎用~感覺比較衛生~帶去出TRIP OR旅行超GOOD! 因為都真係唔係間間酒店有提供棉花棒呢... 摺疊式牙刷($18) 好輕~又係啱曬我哩D出差人士用~~ 仲買左D衫呀筆呀之類就唔影啦...同場加映推介下哩個 雜菜湯($35/4包) 真係好好味好好味...我已中毒!自從大概半年前愛上之後大概買左10包都有啦! 佢打開係一磚嘅~用普通SIZE水杯可以沖到剛好一杯~沖左之後即時可以飲~~ 入面好多菜, 其實都幾飽肚~冇出面茶餐廳紅湯咁濃味~真係正到爆! 試過MUJI其他湯, 都係哩款最正, 而家食LUNCH間唔中就要沖一包黎止下癮~~HEHE~ 今次分享到哩度, 多謝收睇丫!^^ 歡迎聯絡我^^ : gackt_misery@hotmail.com theZtyle : http://www.theztyle.com/?79394 UBeauty : https://blog.ulifestyle.com.hk/blogger/chris0519/
