🦞盛夏海鮮薈萃自助晚餐🦪今日跟朋友第一次去沙田萬怡酒店，我深水埗人少去甘遠，朋友難得約會，當然去啦。我好欣賞大堂設計，又特別，舒服。 終於來到二樓momo cafe,店員帶我們入餐廳內安坐，想不到很開揚，亦都好方便拎野食。點擊圖片放大 海鮮朋友至愛，都有不少選擇，有生蠔、波士頓龍蝦、琵琶蝦、加菲蟹、法國羔蟹、瀨尿蝦、藍青口等等，佢特別讚龍蝦話好厚肉，又多膏，而且很夠凍，好海洋氣息。點擊圖片放大 +6 日本兵庫縣窒津刺生級生蠔，位上每位大人有兩隻，入座後送到埋枱，我益左我班朋友仔，話好鮮味又肥美 我愛食熱盤，今日精選烤肉有烤西冷扒、鹽焗三文魚，我超愛牛，必食，廚師切開西冷扒，見到肉色嫩紅，吃起來肉質鮮美，滑口，肌理纖維夠嫩，呢個熟度我至愛，肉汁豐富，輕輕點上黑椒汁，很惹味。點擊圖片放大 +5 仲有我喜愛燉湯，蔘鬚紅棗圓肉燉赤肉很甘香，湯料豐富，蔘味濃郁回甘，沒有搶走紅棗的圓肉的清甜，加上有肉粒，湯很清甜又夠滋潤。點擊圖片放大 仲有兒童區食下burgers,細細件容易食，都好食wor,仲有迷你夏威夷薄餅，唔錯。見到仲有中式糖餅區，芝士輕食區都有不少的選擇。點擊圖片放大 +4 聽到打鼓聲，原來有現場烹調，今日係西瓜黑白雜果凉粉，白涼粉是愛玉，色彩繽紛，加入西瓜汁很消暑。點擊圖片放大 +3 甜品好豐富，有Mövenpick雪糕以及全新推出的自家製雪條，今日有無花果、蜜瓜、石榴、血橙，我愛石榴獨有味道，打曬果蓉，很有誠意。仲有港式甜品，雞蛋仔及窩夫，正點擊圖片放大 +5 出去取食物時，記得戴口罩。每晚7點設有現場烹調環節 (不時轉換及輪流供應): 7月: 寶雲蘇羊架、西瓜黑白雜果凉粉、生菜片豚肉崧；8月: 榴槤雪糕三文治、紅燒妙齡乳鴿、冷烏冬配即刨黑松露；9月: 香辣醬焗原條星斑、金箔燕窩蛋白撻、黑松露意大利飯 (半個芝士上)🦞盛夏海鮮薈萃自助晚餐🦪• 日期: 2020年7月1日至9月30日逢星期一至日及公眾假期供應• 時間: 晚上6時至10時• 地點: MoMo Café• 價目: 星期一至四 成人每位港幣$488 小童每位港幣$268；星期五至日、公眾假期及其前夕 成人每位港幣$580 小童每位港幣$320*MoMo Café*• 地址:香港新界沙田安平街1號香港沙田萬怡酒店2樓 (港鐵石門站C出口)• 訂座: 852.3940.8788 或 bit.ly/2XA8KT0
