同媽咪喺上環西港城Shopping完，就行去附近好多人推薦嘅麵館 — 八刀麵館醫肚。呢間小店真係高CP值之選，無論係湯底、配料定係麵條都做得一絲不苟，令人一試難忘！😋店面唔算大，但係乾淨企理，充滿住街坊小店嘅溫馨感覺。我哋去到嘅時候差唔多坐滿晒人，好彩仲有位。睇個餐牌，麵嘅種類都幾多，價錢亦都好合理。 我哋每人點咗一碗招牌麵:八刀湯牛腩撈面 (配油麵) ($55)雖然叫咗少麵，但係份量都好多！💪🏻 牛腩炆得啱啱好，肉連筋膜，口感煙韌軟糯，入口即化。油麵掛汁一流，加上佢哋嘅秘製辣椒油，真係正到無朋友！🌶️ 我平時好少食油麵，驚太油膩，但係呢度嘅油麵完全唔會，反而好香好惹味，食完都唔會覺得好滯。點擊圖片放大 媽咪叫咗 豬雜王（細）配米粉 ($45)鍾意食豬雜既朋友必食! 豬潤、豬心、豬粉腸、豬肺、豬大腸、豬肚，仲有平時好少見嘅蝴蝶腩，全部都齊晒！😍 處理內臟真係好花時間心機，但係八刀麵館做得非常乾淨，完全冇腥味，非常新鮮。就連我平時麻麻哋豬雜嘅人都忍唔住試咗幾啖，真係好驚喜！豬心爽口彈牙，豬潤鮮嫩滑溜，其他內臟都處理得好好，冇過熟或者過生嘅情況。胡椒湯底好清甜，越飲越上癮！👍🏻 總括嚟講，八刀麵館真係一間值得推薦嘅街坊小店！價錢親民，份量十足，味道又好，難怪咁多人排隊幫襯。下次去上環，一定會再去食！💯評分：味道：⭐️⭐️⭐️⭐️⭐️價錢：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️推薦菜式： 豬雜王、八刀湯牛腩撈麵地址：上環蘇杭街136號地舖#思思賢 #ChillMyBabe #思思賢ChillMyBabe #全自費食評 #八刀麵館 #上環美食 #西港城 #香港美食 #麵食 #牛腩 #豬雜 #街坊小店 #高CP值 #hkfoodie #foodie #noodles #hongkongfood #相機食先 #食好西Facebook : https://www.facebook.com/chillmybabeInstagram : https://www.instagram.com/chillmybabeYoutube : https://www.youtube.com/@ChillMyBabeU Lifestyle: https://bit.ly/3U3sRpeU Blog: https://blog.ulifestyle.com.hk/chillmybabeBlog: https://chillmybabe.pixnet.net/blogOpenrice: https://bit.ly/3zDNG33Tripadvisor: https://www.tripadvisor.com.hk/Profile/chillmybabeGoogle: https://maps.app.goo.gl/mq1eumYW1jXZmP9B6?g_st=iwXHS: https://bit.ly/3RWOxlL---細眼IG: https://www.instagram.com/nico_eyes/小姐IG: https://www.instagram.com/chelseapun/小姐下廚日記: http://www.instagram.com/chillmybabe.foodie小姐美妝IG: http://www.instagram.com/chillmybabe.beauty
