今天是比較特別的一個日子，除了是情人節外，還是中國的元宵佳節，難得19年一遇的兩個情人節放埋一天，真係應該好好的庆祝一下！ 前排就有機會學吓點樣整HELLO KITTY曲奇，今晚又可以用番之前學的食譜，今晚返去即整比我愛人食！當飯後甜點先！ 講番我幾時學整呢個曲奇先，係上星期六，就得到Home N’ Kitchen家居堡有限公司的吳小姐的電郵邀請，睇吓有冇興趣可整曲奇，整甜食喎，我梗係有啦，就咋咋林報名。 而今次學整HELLO KITTY曲奇製作班的地點是長沙灣內的W Cake W Cake內的上課地點又幾寬敞喎，唔似我之前學開整餅的地方咁擠逼，有好多Silicone zone的Hello Kitty廚房用品賣，亦都有不同的整餅材料及設備賣。 一去到，已預備了今次要用的材料及圍裙在各位置上，其實都唔係用好多嘢整咋喎，幾好喎，啱曬d又想DIY比心愛的人食，但又懶的人！ 今次整曲奇的份量為： 雞旦一隻 低筯麵粉 200g (可不用茜) 砂糖 75g 無鹽牛油 100g (一定要用室温解凍至軟身) 夠鐘，就開始，先由Home N’ Kitchen家居堡有限公司的吳小姐，介紹吓佢公司有咩其下牌子，而今次佢地送比每位的gift內的Hello Kitty用品，就是其下一個品牌叫"Silicone zone"所出的，而Silicone的產品，亦絶對可以承受-50° C 至 250° C的温度，仲要係BPA free，所以可以絶對安心使用。 呢一set係今次的gift！好靚！雖然我唔喜歡Hello Kitty，但我都覺得好吸引！ 介紹完產品後，就由駐塲型仔餅師，教我們點整曲奇了！ 其實整呢個曲奇餅真係好簡單，先將所有材料倒埋一齊 再用手將佢地攪到變混合埋一堆，變咗個濕濕地的麵團，就已經係猜好粉了！ 之後再按扁佢，放入雪櫃雪大約30分鐘，等佢硬身點 就可以蓋模了，其實整咩公仔都得ga，您有曲奇餅模就得了！但記住每次蓋模前，模要先沾一沾麵粉，咁就唔會"痴"模了！ 蓋好曬模，就可以放在放上牛油紙的焗爐盤上，用200° C焗15分鐘(焗爐要先預熱)，即成。 完成品，因為我朋友帶咗私伙模，所以有其他唔同形狀的，hehe…幾靚！ 其實呢個曲奇真係超易整！ 最後連個餅模都送埋比我地，真係好！下次可以返去自己試吓整啦！ 想知道Home N’ Kitchen家居堡有限公司有咩其下牌子，可以去以下兩條link度睇吓： WEBSITE: http://homenkitchen.hk/ FACEBOOK: https://www.facebook.com/homenkitchen.com.hk 而有興趣到W cake學整餅的，可以去以下兩條link度睇睇： Facebook: https://www.facebook.com/wcakehk Website: http://www.wcake.hk/
