上兩個weekend，好慶幸得到 TefuTefu的PR邀請，可以到佢地荔枝角的show room，出席TefuTefu Skincare x Bloggers Tea Party，其實自從上次試過佢唔同的products後，就即刻愛上咗佢ga嘢，不論mask，定skin care，佢係我用嗰咁多韓國品牌之中，最好用的一隻，唔係賣口乖！因為堅好用！ 一去到，真係預備咗好多好精緻的靚靚cup cake、馬卡龍同曲奇餅比我地食，仲有飲品tim！真貼心！ wa，有我最鐘意的蜂毒塑型緊緻睡眠面膜同白之水滴喎！兩樣都好好用的！ 今次event最主要是介紹原來TefuTefu的產品，係可以玩mix & max的！ 第一項可以玩mix & max的產品是3款唔同味的hand cream，原來可以溝唔同味的香薰油的！ 我試咗自己溝隻白蘭花味hand cream+香薰油，勁易推開，又快吸收，吸收完，仲一d都唔笠，感覺好好，又夠香！ 吸收曬後，隻手幾白雪雪，又有少少反光粒子咁，幾靚！ 玩完隻hand cream，就試TefuTefu另一皇牌產品"去黑頭‧細緻毛孔面膜"，當TefuTefu的pr問有冇人想試時，我第一個舉手出去，因為其實本身我d黑頭係好勁的，揾咗去黑頭產品好耐，但都仲未揾到隻好的，所以呢隻真係想試，所以今次走咗去做model，幫大家試去黑頭‧細緻毛孔面膜上鼻，靚女BA首先幫我用白之水滴去皮層，一邊幫我捽，我feel到一邊出咗好多死皮 ，然後再用白銀花噴霧抺走，可以當埋toner咁用，有保濕作用。之後就再用去黑頭‧細緻毛孔面膜了，我敷了約10分鐘左右，在過程中，絶無繃緊同不適感覺，好似平時咁，感覺十分良好！洗乾淨咗之後，個鼻真係乾淨咗好多！唔見咗d黑色一點點！仲好白淨呢！ 做好清潔後，就用咗"天然活能修護安瓿素"為臉部按摩咗一陣，BA先幫我做咗一邊，我自己feel到搽完，好快吸收曬，之後臉部肌肉真係有即時緊緻效果，d肉好似有少少收縮咗咁，好勁！ 之後冇再搽其他products了，只係將"水漾保濕乳霜" + "美白BB cream"，再用"粉底機"上底妝 我自己都玩咗一陣個粉底機，其實今次係第一次玩TefuTefu呢個牌子的粉底機，其他韓國牌子，我有試過，但覺得效果麻麻，同我用手上，沒有分別，有些仲差過我用手上。但估唔到呢部又ok喎，只係係塊面度塗上已溝咗"水漾保濕乳霜"的美白BB cream，再開粉底機，再輕輕拉上及按壓，就攪掂，勁方便！ 上完粉，個效果都幾明顯，上面的手是已上粉的，下面是另一隻冇上粉的手，個對比都好明顯！ 下面呢個黑色衫ga靚女BA，就係佢幫我做曬呢set護膚同化咗呢個好透薄的底妝的！我之後再摸摸塊面，仲要唔笠！因我最怕笠的！真係好多謝佢！幫我化咗個咁透薄的底妝，美中不足的是，最衰自己生咗粒暗瘡，如果唔係會仲好睇囉！ 臨走前，仲有禮物收呢！多謝曬Tefu Tefu！真係好開心，有得玩，有得食，仲幫我清潔埋個鼻d頑固黑頭呢！我會好好善用呢500蚊的CASH COUPON，買我第一樣激讚的<明眸亮白眼膜>及第二激讚的<去黑頭‧細緻毛孔面膜>，有剩錢，買多支香薰油，因為我超鐘意隻薰衣草味香薰油！ 等我遲d買咗之後，再係度同大家介紹吓，我的勝利品！
