其實大家覺得條眉緊唔緊要？ 我以前覺得唔緊要，但一畫咗眉之後，簡直係返唔到轉頭，因為原來有畫眉同冇畫眉，望落去，精神係差好遠的！ 所以現在每天，小妹都會盡量畫咗眉先返工，以最精神狀態示人呢！ 近排，就有機會可以試到呢隻 ~ ~ RMK W自然造型染眉膏 初初見到"染眉膏"呢3個字，係咪以為係染眉呢？想知係點用，睇落去啦！ 而小妹今次試用的是01色，唔知係咩嘢色嚟嘅呢？好緊張喎！ 雙頭式設計，採用細小刷頭設計的染眉膏，可整理眉毛同時塑造豐盈立體感；而另一端則採用較尖細扁平的掃頭設計，能輕易操控眉毛液的份量，細緻地重覆描畫及自然地填補眉毛間的空隙。 原來01色係淺啡色，都好彩，我頭髮較為淺，用呢隻色都ok！ 先用掃頭那邊，為眉毛填色及令到佢豐盈d，然後再用筆頭那邊，睇吓有冇咩嘢漏網之魚，續一填番色！ 個人感覺，唔知係咪咁用呢？哈哈！不過好肯定話比大家知，絶對唔係嗰d留幾天嗰d染眉，係要即日缷的！ 整體嚟講，唔難用，因為只係掃吓、畫吓咁！平時要用眉筆或者眉粉 + 眉gel先做到d咁嘅效果，但RMK呢支W自然造型染眉膏一支就攪掂曬了！非常方便！拎出街亦好方便！唔駛攞幾樣嘢！ 而條眉望上去，亦較之前有色同濃密了！而個色真係ok喎，之前睇仲有少少驚會好淺色，但出咗嚟又覺得效果唔錯，同我髪尾的淺色頭髮好襯！ 全上產品及產品資訊，全部由品牌提供
