美白同防曬一樣，係每天必做的事，其實唔係怕曬黑，最怕係會形成黑色素，變成一d可惡的斑斑，斑斑係比一切印恐怖的，因為印都可以搽吓嘢，只要搽上好幾個月，就會慢慢咁淡，但斑斑一出咗嚟，絶對唔會係好幾個月可以將佢整走的！所以一定要好好咁為肌膚打底！ 6月頭時，好興幸得到mekim的邀請，可以去到她們其下的一個代理phyris全新PROFINE亮肌系列發佈會。因為自上年9月的phyris Hydro Active透明質酸保濕系列發佈會後，都冇去過佢地公司攪的blogger event了，所以今次好期待，今次仲有dress code，係白色同elegant，死喇，我仲諗，elegant，點到我，算吧喇！都係跟住人地dress code著白算了！ 終於到咗event嗰日，那天真係天公不造美，竟然打起風嚟，仲要落雨濕濕咁！但都冇影響我的心情！ 一入到去座底，就見到兩樣products的catalogue Email寫event由630開始reception，我7點去到，wa，已經冇咩位座，要座到最入，同個台距離超遠 不過呢間嘢個view好靚，可以遠望維港 等到差不多730，event終於都開始，好彩我7點先到啫，如果等成個鐘，真係等到變阿呆 其實今晚我真係唔係好enjoy個event，因為我座到最入，嗰度d放音好差，我完全聽唔到個mc講咩，同睇唔到出面做緊d咩，其他座附近的blogger們都係，各有各傾計，完全冇留意過出面做咩。 大家最留心嗰part，應該係玩遊戲嗰一part，其他都冇興趣聽出面講咩，因為要聽出面講咩，真係要好用神！ 其實中途，大會有安排食物比我地，但係食物質素差！因為全部食物都差不多係全炸咁滞，其實一間有護膚品同健康食物的公司，係唔應該叫人地食咁多炸嘢，因為一來唔健康，二來，炸食，真係好影響皮膚質素的！而安排亦差，因為咁多人，冇可能以自助形式，攪到大家都好似蝗虫咁！所以我都唔想影 既然聽又聽唔到佢講咩，食物又冇興趣食，唯有去影吓products，同睇吓今次PHYRIS PROFINE系列的簡介：原來今次係以 “PROfessional FINE skin”為研發方向，並針對亞洲顧客肌膚需要而研製，為「高層次的美白產品」，質感清爽幼滑，適合一年四季持續使用，在淡斑美白之餘，同時可改善膚質，幼滑肌膚，均勻膚色，預防早衰。高科技配方包含優質保濕成分，令美白成分發揮功效時不會抽乾肌膚水分，令肌膚更富光澤及通透。仲有5種唔同的Products 1. Whitening Triple Effect 全效三重瞬白亮肌乳液 50ml ~ 不含油分，蘊含三重瞬白複合配方可三重截擊黑色素形成及積聚﹕阻截黑色素形成、抑制黑色素傳遞及散佈、最後阻止黑色素積聚形成色斑，由根源著手減少惱人色斑。同時，產品配方加入高科技修護成分，可加強肌膚表面防禦功能，用後感覺幼滑清爽。 2. Anti Pigment Total Control全效瞬白淡斑乳液 50ml ~ 全新的智慧型配方可針對頑固色斑同時均衡膚色。含白睡蓮、維他命C、大豆異黃酮微脂囊、活性酵素等高效成分能抵禦V射線、重點偵測黑色素，阻截其形成積聚免形成新色斑，並減淡已形成的斑點。淡斑之同時可維持色斑周圍皮膚的色素均勻，令膚色瞬白而平均。 3. Refining AHA Depot 瞬白嫩膚乳液 50ml ~ 含白睡蓮、維他命C、果酸微脂囊等高效成分，可溫和有效地去除積聚角質，令膚質回復白哲彈性及幼滑，有效改善皮膚結構、強效活化細胞促進新陳代謝、減淡皺紋深度、去除面上黃氣及均勻膚色；配方加入雷公根及角鯊烯，可為肌膚補水補脂、增強其彈性。內含的高濃度果酸以微脂囊技術包裹配以高科技配方生產，大幅減低致敏機會但不影響去除積聚角質功效。 4. Brightening Total Result Mask全效瞬白亮肌面膜 75ml ~ 具針對性深層美白淡斑功效，有效阻截黑色素形成，淡化色斑並均勻膚色。此外，更能深層保濕、刺激骨膠原蛋白增生，提升皮膚緊緻度，減淡幼紋及皺紋。加強肌膚防禦系統，促進肌膚活躍再生功效，令肌膚結構回復健康、膚色平衡有光澤。 5. Pigment Corrector Local Effect Concentrate 全效瞬白褪班精華 20ml ~ 高效美白褪斑精華，對大量色素沉積及色斑有顯著美白功效。含白睡蓮、維他命C、三重瞬白複合配方、UV過濾元素等高效成分，可截擊新黑色素形成、防止其擴散及積聚，有效重點減淡色斑，用後膚色平均白晢。可局部塗於面上長有色斑位置作重點去斑或均勻塗於面上作預防保養均可。 雖然event攪得麻麻，但我不嬲對PHYRIS呢隻牌子相當有好感，因為上年試過佢隻Hydro Active透明質酸保濕系列，覺得超得，超好用！所以我都好期待今次大會送比我地兩支皇牌產品，等我返屋企慢慢試真d先！ 先考試Brightening Total Result Mask全效瞬白亮肌面膜 主要活躍成份：白睡蓮、維他命C、大豆異黃酮微脂囊、Garden Cress Extract、角鯊烯 使用方法：潔臉後，均勻地塗於臉及頸上，待15-20分鐘後，用清水洗淨即可，每星期可使用2-3次，效果更明顯！一開，gel mask，我覺得有d白蘭花香味，都幾清香，我敷咗15分鐘之後，去沖涼，沖完涼之後，塊面好滑！好白！好正！充滿彈性咁，保濕度嫩白度大升！激讚！ 之後就再試埋Whitening Triple Effect 全效三重瞬白亮肌乳液 主要活躍成份：白睡蓮、維他命C、三重瞬白複合配方 使用方法，每天早晚清潔肌膚及噴上爽膚水及精華後使用 呢個ga味道同mask差不多，但都幾水，幾易推開，由於不含油份關係，所以用後一d都唔覺得笠，超清爽，好適合而家呢d又熱又笠的天氣使用，用後一星期，感覺臉色均勻了，至緊要係有效地防治斑斑繼續加深！ 希望佢地下次event可以努力喇！一次唔合格，唔代表以後都係咁ga！加油！努力喇！期待下一次的bloggers event！
