已經搭入五月，一離開冷氣地方，好多時已經熱到豬油都標埋！ 唔駛好耐，一有太陽出嚟，又可以預備同陽光玩遊戲了！同陽光玩遊戲之餘，切記要搽防曬啊！ 但搽防曬又好怕一樣嘢，就係笠！夏天已經夠熱、夠笠gala！如果仲要用埋一支笠嘅防曬，肌膚簡直係百上加斤呢！即係辛苦再辛苦囉！ 我近排試到兩支正嘢喎！好想推介比大家！ 就係Mentholatum Sunplay SARAFIT UV輕透防曬系列啦！點解會推介比大家，睇落去啦！ 先試咗 ~ Mentholatum Sunplay SARAFIT UV輕透水感防曬噴霧先！ 產品簡介：一支可以用係身同面嘅防曬，含SPF50+ & PA++++高度防曬，可防曬黑和防止肌膚老化，中度防水，一噴即變成透明狀; 而成份中亦添加透明質酸，可強化肌膚的自我補水能力; 成份中亦同時添加了dry keep power，用後可令肌膚仿如素肌般輕透清爽，無負擔; 即使流汗，防曬也不易脫落; 不添加任何色素、香料、礦物油及酒精，温和親膚，可放使用！ 使 用方法：其實防曬最好每次出門前30分鐘搽定，而噴霧用前就最好搖晃瓶身4-5次才好用，亦都要至少距離10cm先噴，咁樣會分散d，唔會噴死一噠咁！而 噴面時，亦記住合埋眼先好噴啊！而外出活動時間較長，亦最好兩小時左右，抺乾肌膚後，定期補防曬噴霧，咁先可達到最佳效果的！ 成日講到話Mentholatum Sunplay SARAFIT UV輕透水感防曬噴霧真係好薄，講到仲比水更薄，咁我哋就嚟測試吓先啦！呢度有兩支噴霧，一支係裝咗水，而另一支就裝咗Mentholatum Sunplay SARAFIT UV輕透水感防曬噴霧 先噴上A先！噴咗出嚟只係見到我d手毛即刻"L"咗，其他感覺都好輕、透薄同乾爽！ 而B呢，就好大攤水係我隻手上呢！ 得出嚟，其實係A樽先係Mentholatum Sunplay SARAFIT UV輕透水感防曬噴霧，結果真係好高下立見，Mentholatum Sunplay SARAFIT UV輕透水感防曬噴霧嘅質感真係可以比水更輕、更透薄！ 之後再試埋 ~ Mentholatum Sunplay SARAFIT UV輕透防曬水凝乳先！ 產品簡介：呢支都係可以用係身同面嘅防曬，但多一個功效，就係都可作妝前底霜使用，含SPF50+ & PA++++高度防曬，可防曬黑和防止肌膚老化，中度防水，一搽即變成透明狀; 而成份中亦添加透明質酸，可強化肌膚的自我補水能力; 成份中亦同時添加了dry keep power，用後可令肌膚仿如素肌般輕透清爽，無負擔; 即使流汗，防曬也不易脫落; 不添加任何色素、香料、礦物油及酒精，温和親膚，可放使用！ 使用方法：之前都講過，防曬最好在出門前30分鐘搽定，而外出活動時間較長，亦最好兩小時左右，抺乾肌膚後，定期補番防曬乳，咁先可達到最佳效果的！ 推開後，好快已由原本的奶白色肌膚變番同普通肌膚一樣色系，絶對冇一噠噠白色出現嘅情況，肌膚仲好快變番乾爽同完全冇笠的感覺！ 小妹覺得，兩支防曬各有各好，但總會偏心支噴霧多d，因為勁方便，想保護邊度，一嘢攞出嚟噴就攪掂，又感覺好涼浸浸咁！同埋真係勁爽身！哈哈！ 以上產品及產品資訊，全部由品牌提供
