上回講解完去完CLINIQUE立體塑顏工作坊後，唔單止獲益良多，CLINIQUE仲每人送咗一set至新立體塑顏的產品，比我哋返屋企慢慢試用，而今次試得最耐的，莫過於CLINIQUE Repairwear Sculpting Night Cream，而家同大家講番吓用後感同其它用呢個night cream時，可以點樣用！

而上次係工作坊時，亦試過CLINIQUE Repairwear Sculpting Night Cream的質感，係較為jelly狀的，好易推開同保濕效果真係不錯，而今次返到屋企之後，我當然唔會放過呢個機會，咋咋林試上臉啦！

先了解下CLINIQUE Repairwear Sculpting Night Cream當中的主要成份：

- 積雪草(Centella Asiatica)、乳清蛋白(Whey Protein)和六胜肽(Acetyl Hexapeptide-8)，可刺激天然骨膠原製造，令肌膚緊實飽滿、富有彈性，重拾肌膚回彈力。

- 毛喉鞘蕊花萃取(Coleus Barbatus)功效顯著，透過促進肌膚新陳代謝，全方位提升下垂的面部肌膚，重塑立體及緊緻的輪廓。

- 白樺木萃取(White Birch Extract)對抗因暴露於紫外線造成的環境傷害，維他命C抵禦自由基侵害。

- 巴西棕櫚乳脂(Murumuru Butter)和亞麻油酸(Linoleic Acid)，可預防缺水，維持理想的水分平衡，令肌膚柔軟飽滿，感覺滋潤舒適。

成份同功效真係講到唔錯喎，等我試上臉，睇吓係咪真係咁勁先！

使用方法：晚上使用three steps後使用，如沒有使用CLINIQUE three steps的話，可在潔臉、爽膚及精華後使用，先將CLINIQUE Repairwear Sculpting Night Cream塗抹於全面、頸項和胸口位置，避開眼周。

再配合CLINIQUE教我們的獨有立體塑面按摩手法 (Targeted Sculpting Massage Ritual)，成就青春、緊緻無瑕的面部輪廓。在整個按摩過程，施予適當壓力，不僅只照顧肌膚的表面，更刺激皮下肌肉。

好啦，大家學嘢啦！按摩手法如步驟，大家有興趣，可跟住一齊做：

1. 先塗抹於全面、頸項和胸口位置，記住避開眼周喎！

2. 手指先按在下巴，快速密集地掃過下顎，向上往耳朵位置推按，重覆3次。

3. 將手指按在其中一邊的鼻翼，慢慢向外沿着顴骨下方指壓，向上按至太陽穴，重覆3次。

4. 以手指按壓眉心，往外向上輕力拉提，並橫越前額，推按至太陽穴，指尖按住太陽穴3秒，重覆3次。

5. 從鎖骨以手指按壓至耳後，往上向上輕力拉提，推按至耳後位置，指尖按住耳後約3秒，左右重覆各3次。

6. 將晚霜塗於胸前，以打大圈方式按摩，向上塗勻，推進至頸項和下顎，重覆3次。

用咗CLINIQUE Repairwear Sculpting Night Cream都差不多近一個月，真係唔駛講，一睇用前同未用後，已高下立見，好明顯見下巴那嚿凳兜肉，明顯消失咗！佢唔單止令我面上有肌肉嘅地方都firm了，我覺得連毛孔都firm埋。補濕效果都唔錯喎，因為我覺得保唔保濕，由一瞓醒覺就知，如果我塊面缺水的話，一起身，我會覺得繃繃緊的，但我keep住呢個月一瞓醒都冇呢個感覺，所以可以話呢隻night cream保濕效果唔錯！真係可以係夜間為肌膚保到濕呢！

大家睇呢兩張相，除咗消失了的下巴凳兜肉係一個亮點外，仲有冇發現另外一個亮點呢…？

就係頸紋啦，有冇覺得我第一條頸紋真係淺色咗呢？我初初都唔覺，睇番相先覺咋，因為我連頸都有搽同按摩，所以頸紋都好明顯冇之前咁深！所以話呢CLINIQUE Repairwear Sculpting Night Cream都好一物幾用呢！超方便易用呢！

有咗CLINIQUE Repairwear Sculpting Night Cream，那些什麼双下巴啊，凳兜肉啊，全部可以通通消失，真係V臉冇難度！

同埋多咗按摩塊面，睇吓，臉仔紅潤咗幾多！如白再白d的話，真係有白裡透紅的感覺！

以上產品及產品資訊，全部由品牌提供！

成功發佈