在聖誕過後的那個星期天，得到classes.com.hk的邀請，可以出席到【個性陶瓷印章製作班】，都幾期待的，因為未試過自已整印章！ 首先介紹吓當天的老師先，對要呢位戴眼鏡的靚女，就係我們今天的導師 - Millie老師啦！ 今日又幾好喎，小班教學，老師以一對六，唔太多人，有問題問老師，老師都會即刻答到您！ 一人一份工具，連毛筆都教您點揸，好彩我都仲記得點揸毛筆啫！ 之後就開始揀石啦，今天有兩種石可以揀，好colourful嗰隻就係陶瓷章，老師話呢個質地較硬，所以新手可能會難雕d 而另外兩隻長方型石呢，就係天然嘅青田石，其實係同一種石，只係唔同顏色，較易雕，所以較為適合新手使用！ 但我們個個都貪靚，所以個個都揀曬陶瓷章嚟雕。哈哈… 揀完石就開始第一步驟磨石啦，要先將個底係張砂紙度磨滑佢 磨完石，就開始design自己想要的公仔或者字啦！ 先畫咗嚿石嘅外框先 然後再design裡要想要d咩 我原本想整咁樣嘅，但點知最後已我嘅畫工同雕嘢嘅天份，我相信我係整唔到，所以最後只剩番個心加BU兩個英文字就算啦！ 畫完稿後，仲要用毛筆填番番黑個圖案同d字，呢一part先叫大功告成！ 用毛筆填黑d字後同圖案後，待乾，之後就剪咗佢出嚟，將佢相反方向咁貼在陶章面上，再用水黏濕陶章面，之後馬上用紙巾大力按乾即可，之後當您攞番開張紙巾同個張稿時，個稿的圖案同d字，已深深地印在圖章面上了！ 之後就可以開刻刀，開始刻字了！ 其實都幾易，只係將把刻刀係咁按平，雕出，同填番d黑色印就攪掂gala，全個個程，大約1小時左右啦！初初真係覺得攰，但愈雕愈多呢，完成品愈來愈多，就冇咩攰了！ 完成品，都幾快喎，成個整咗2個鐘都唔駛，已經攪掂，唔算辛苦！初初開始有一點點辛苦，但一開咗個頭，就唔係太辛苦！ 其實個完成品已我嘅技術design同畫工嚟講，都算唔差gala！本人亦深明現實同夢想，一定係有所距離的！哈哈！ 後記補充：原來呢度仲有皮革學，可以自己學做一個銀包、散子包、証件套、皮包，嗰d的！不過老師話學整皮革嗰d呢，唔會係一當可以完成的事，有d更可能要成個月的！ 而另一樣嘢可以學做天氣預測瓶，係一d chemical嚟的東西，會隨著温度而在外觀上有其它變化的！如天氣凍時，裡面會好似d雪花咁，飄吓飄吓的，好靚ga！ 如果有興趣學吓唔同類型的DIY工作坊的話，可以去classes.com.hk的網址：http://www.classes.com.hk/events 而呢個網址亦係一站式網址嚟的，可以係呢度做埋登記、預約同即時付款的！真係非常之方便！
